+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қарағандыда смс арқылы тіл тигізген әйел көше жинауға жазаланды

2017 жылғы 23 тамыз 07:28
Бөлісіңіз:
Қарағандыда смс арқылы тіл тигізген әйел көше жинауға жазаланды

ҚАРАҒАНДЫ. ҚазАқпарат - Қарағанды облысында СМС-хат алмасу барысында ар-намысқа тиетін сөздер жазған әйел қоғамдық жұмыстар түріндегі жазаға сотталды, деп хабарлайды «ҚазАқпарат» ХАА тілшісі.

Өз атына жіберілген балағат сөздерді оқыған Осакаров ауданының тұрғыны жеке айыптау түрінде сотқа арызданды. Жала жабу, тіл тигізу сынды істер бойынша түскен жеке адамның айыптауы полицияда тіркелместен автоматты түрде қылмыстық іс болып саналатыны белгілі.

Зардап шеккен әйел өзін кемсіткен екінші әйелді ҚР ҚК-нің 131-бабы 1-бөлігі бойынша («Тіл тигізу») қылмыстық жауапкершілікке тартуды сұрады. Онымен қоса, ол айыпталушыдан моралдық шығын ретінде 100 мың теңге көлемінде өтемақы өндіріп алу туралы азаматтық талап-арыз түсірді.

«Сот барысында айыпталушы әйел телефонмен смс-хат алмасу барысында әдепсіз түрдегі сөздермен өзге тұлғаның ар-намысын қорлау пиғылымен зардап шегуші әйелге тіл тигізгені анықталды», - деп атап өтті Қарағанды облысы Осакаровка аудандық сотының баспасөз қызметінен.

Судья айыпталушыны кінәлі деп тауып, оған 60 сағатқа қоғамдық жұмыстарға тарту түріндегі жазаны тағайындады. Әйелдің нақты қандай және қай жердегі жұмыстарды орындайтынын аудан әкімдігі шешетін болады.

Азаматтық талап-арыз ішінара қанағаттандырылды. Сотталған ауыл тұрғыны 15 мың теңге өтемақы төлейтін болады.

Біздің каналымызға жазылыңыз:

Бөлісіңіз:

Автор:

Мира Төлендіқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT