Қарағандыда көпқабатты үйден өрт шығып, 4 балкон жанып кетті
2022 жылғы 17 тамыз 19:31

Қарағандыда көпқабатты үйден өрт шығып, 4 балкон жанып кетті

ҚАРАҒАНДЫ. ҚазАқпарат – Қарағандыдағы көпқабатты үйлердің бірінде өрт шықты. Салдарынан төрт пәтердің балкондары жанып кетті, деп хабарлайды ҚазАқпарат тілшісі.

Оқиға 17 тамыз күні сағат 12.49-да болды. «112» диспетчер пультіне көпқабатты үйлердің бірінде өрт шыққаны туралы хабарлама түскен.

«Өрт Қарағанды қаласы, Ә. Бөкейханов атындағы аудан, 8-үй мекенжайында болды. От көпқабатты үйдің 4-ші және 5-ші қабат ортасындағы 4 балконды шарпыды. Өрт сөндірушілер келгенге дейін барлық тұрғындар пәтерден өз беттерімен шығып үлгерді. Қаза болғандар мен зардап шеккендер жоқ», - деді Қарағанды облысы Төтенше жағдайлар департаментінің баспасөз қызметінен.

Жалын бір сағаттан кейін сөндірілді. Оқиға орнында Қарағанды облысы ТЖД жеке құрамынан 26 адам және 6 техника жұмыс істеді. Өрттің шығу себебі анықталып жатыр.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT