+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Қарағандыда кеншілер мен металлургтер арасында екі автокөлік ойнатылды

2021 жылғы 23 қыркүйек 01:58
Бөлісіңіз:
Қарағандыда кеншілер мен металлургтер арасында екі автокөлік ойнатылды

ҚАРАҒАНДЫ. ҚазАқпарат – Қарағанды облысында «АрселорМиттал Теміртау» АҚ вакцинацияланған қызметкерлері арасында ұтыс ойынын өткізді. Негізгі сыйлық – екі Lada Vesta автокөлігі, деп хабарлайды ҚазАқпарат тілшісі.

Ұқсас жаңалықтар
Ақтөбе облысында қанша бала мен жүкті әйелге вакцина салынуға тиіс Вакцинацияның арқасында өмір сүру ұзақтығы 60-тан 74 жасқа дейін ұзарды - ректор Өскеменде вакцина алғандар арасында тұрмыстық техника ойнатылады

Ұтыс ойыны онлайн режимде көрсетілді. Жеңімпаздар кездейсоқ сан генераторының көмегімен анықталды.

Ойынның ашықтығын қамтамасыз ету үшін бақылаушылар ретінде кәсіподақ өкілдері мен қызметкерлері сондай-ақ журналистер мен блогерлер тартылды.

Конкурстар болат және көмір департаменттерінің қызметкерлері арасында бөлек өткізілді.

Автомобильдерді металлургия зауытының конверторлық цехының дәнекерлеуші-жөндеушісі Нұрхан Смағұлов, Т. Күзембаев атындағы шахтаның желдету және қауіпсіздік техникасы учаскесінің жерасты электр слесарі Талғат Шауғымбеков жеңіп алды.

«Компанияда бір жылдан аз уақыт жұмыс істеймін. Менің шеберім конкурсқа қатысуға өтінім беруге кеңес берді. Бүгін әлі ұйықтамадым, себебі түнгі ауысымнан келдім. Шамасы, мені көлік күтіп тұрғанын сезген болармын! Цехтағы әріптесім бірінші болып хабарласып, жеңіске жеткенім туралы хабарлады», – деп бөлісті Нұрхан Смағұлов.

Ұйымдастырушылардың ақпараты бойынша, көмір департаментінің қызметкерлерінен 5 мыңға жуық өтінім келіп түскен.

Шахтёр Талғат Шауғымбеков онлайн-трансляция кезінде жер астындағы жұмыс нарядын орындап жатқан болатын.

Жер үстіне оралғанда оны тосынсый күтіп тұрды. Жеңімпазды шахтаның басшылығы машинаның кілттерімен қарсы алды.

Автокөліктерден басқа тұрмыстық техниканы сатып алуға 20 сертификат ойнатылды. Әрқайсысының номиналы – 50 мың теңге.

Тағы бір көліктің ұтыс ойыны 14 қазанда өтеді. Оған темір кені департаментінің және еншілес кәсіпорындардың қызметкерлері қатысады.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT