Қарағандыда қазақтың белгілі ғалымы Қаныш Сәтбаевқа ескерткіш ашылды
Салатанатты іс-шараға Қарағанды облысының әкімі Серік Ахметов, ҚР Парламент депутаттары, Сәтбаевтың туыстары қатысты.
Облыс әкімі С.Ахметов: «Туындылары әлемдік ілімді байытып, әлемдік өркениеттің дамуына үлес қосқан көне Шығыстың танымал ғалымдары мен ойшылдарының есімі бүкіл әлемге белгілі. Олардың арасында Әл-Фараби, Мұхаммед Хайдар Дулати, Абай Құнанбаев, Шоқан Уәлихановтар бар. Солардың қатарында жерлесіміз Қаныш Сәтбаевтың есімі де бар екенін біз мақтан тұтамыз» , - деген ҚР Президенті Нұрсұлтан Назарбаевтың Қаныш Сәтбаев туралы айтқан сөзін мысалға келтірді.
Ескерткіш облыс орталығының вокзал алдындағы алаңына орнатылды. Мүсін авторлары алматылық Ольга Прокопьева мен Дәурен Досмағамбетов. Мүсіннің жалпы биіктігі 14 метр, ал қоладан құйылған ғалымның мүсіні 5,4 метрді құрайды.