+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Қарағандыда қай ұжымдар түгел екпе алып, ұжымдық иммунитет қалыптастырды

2021 жылғы 30 шілде 18:33
Бөлісіңіз:
Қарағандыда қай ұжымдар түгел екпе алып, ұжымдық иммунитет қалыптастырды

ҚАРАҒАНДЫ. ҚазАқпарат - Қарағанды облысында COVID-19-ға қарсы ұжымдық иммунитет қалыптасқан салалар аталды. Бұл - денсаулық сақтау және күш құрылымдары, деп хабарлайды ҚазАқпарат тілшісі.

Ұқсас жаңалықтар
Қызылорда облысында 300 мыңыншы тұрғын коронавирусқа қарсы вакцина алды Нұр-Сұлтан әуежайында және вокзалында вакцинация пунктілері ашылды Қазақстанда вакцина алған қанша адам қайтыс болды

Өңірлік коммуникациялар қызметі алаңында өткен брифингте екпе науқанының барысы туралы айтылды.

Облыста 30 шілдедегі жағдай бойынша коронавирус инфекциясына қарсы вакцинаның бірінші компонентін 380 793 адам алды. Толығымен екі компонентпен 255 934 адам егілді.

Халықты вакциналау жалғасуда. Қалалар мен аудандарда өткізу қабілеті тәулігіне 8 мыңнан астам адамды құрайтын 115 екпе кабинеті жұмыс істейді.

Мобильді медициналық бригадалар кәсіпорындар мен ұйымдарға барады.

Облыстық денсаулық сақтау басқармасының басшысы Гамаль Тоқсамбаевтың айтуынша, вакцина жеткілікті. Бүгінгі таңда өңірде үш препарат бар - «Спутник V», QazVac және CoronaVac.

«Бүгінде вакцинация бойынша көш басында бізде күш құрылымдары тұр – 100%. Медицина қызметкерлерінің арасында вакцинация 97% құрайды. Облыста өнеркәсіптік кәсіпорындар бар, онда қызметкерлердің 95%-ы КВИ-ға қарсы екпе жасады», - деп хабарлады Денсаулық сақтау басқармасы басшысының орынбасары Бибігүл Төлегенова.

Ол вакцинациядан өткендер арасында КВИ-мен ауыратындардың саны туралы сұраққа жауап берді.

«Жалпы облыс бойынша коронавирустың 55 864 жағдайы тіркелді. Бүгінгі таңда вакцинацияланғандардың ішінен 206 адам ауырып қалды. Оның 73% тек бірінші компонентті салдырған. Қалғанында екінші компонентті алғаннан кейін екі аптадан аз уақыт өтті, яғни иммунитеттің қалыптасуына уақыт болмады. Бірінші болып вакцинациядан медицина қызметкерлері өткенін атап өткім келеді. Өткен жылды ұмытпаған жөн - КВИ-мен көптеген дәрігерлер ауырды, қазір барлық медицина қызметкерлері сапта. Егер КВИ ауруының оқшауланған жағдайлары болса, онда бұл - медициналық қарсы көрсетілімге байланысты вакцина алмағандар», – деді Бибігүл Төлегенова.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT