Қарағандыда қарттарға арналған демалыс орталығы ашылды

ҚАРАҒАНДЫ. ҚазАқпарат – Қарағандының зейнеткерлерінде уақыт өткізу, спортпен шұғылдану және әңгіме-дүкен құру мүмкіндігі пайда болды. Қалада белсенді ұзақ өмір сүру орталығы жұмыс істей бастады, онда барлық қызметтер тегін, деп хабарлайды ҚазАқпарат тілшісі.

Бүгінде Қарағандыда 84 мыңға жуық қарт адам тұрады. Орталықтың басты міндеті - аға буынның белсенді өмір сүруіне жағдй жаса, бос уақытты қызықты және пайдалы ету. Орталықтың әкімшісі қаланың жұмыспен қамту және әлеуметтік бағдарламалар бөлімі. Жұмысқа кіріспес бұрын оның қызметкерлері осындай ұйымдардың тәжірибесін қабылдады. Атап айтқанда, Нұр-Сұлтанның Белсенді ұзақ өмір сүру орталықтарында тәжірибе алмасты.

«Елордада қарттарға арналған осындай ұйымдар әр ауданда бар. Өкінішке орай, мұндай орталықтар үшін бірыңғай стандарт жоқ. Бірақ біз ең жақсысын алуға тырыстық. Көптеген үйірмелер мен секциялар ашылды. Зейнеткерлерге заңгер мен психолог кеңес береді. Дәрігер міндетті түрде жұмыс істейді. Мысалы, ол әр таң сайын спорттық сабақтар алдында біздің қамқорлығымыздағы қариялардың қан қысымын өлшейді», - дейді белсенді ұзақ өмір сүру орталығы директорының м.а. Берік Есенов.

Қазір орталықта қызығушылық клубтары жұмыс істейді. Зейнеткерлер музыка және вокал клубына белсенді қатысады, шахмат ойнайды. Салауатты өмір салтын ұнататындар йога, гимнастика және аэробикамен айналысады. Жаттығу залы бар.

Олар би билейді. Қазақ тілі курстары өтуде. Болашақта ағылшын тілі мен компьютерлік сауаттылық сабақтары өткізіледі.

«Біздің орталыққа бару үшін бірнеше құжат қажет. Бұл жеке куәлік, флюорография, психоневрологиялық диспансерден анықтама. Біз анықтамаларды қашықтан ала аламыз, өйткені қазір бәрі Дамумед қосымшасында қолжетімді. Ал, спортпен шұғылданғысы келетіндер терапевттен анықтама әкелуі керек. Біз өз қамқоршыларымыз үшін жауаптымыз», – деп түсіндіреді Берік Есенов.

Орталық қызметкерлері үйірме қызметімен күніне 100 адамды бір уақытта қамти алады. Қазірдің өзінде келушілер саны артып келеді.

«Мен теледидардан орталықтың жарнамасын көрдім. Бірден келдім. Домбыра тартамын, ән саламын, хорға қатысамын. Менің аяғым ауырады, сондықтан қалыпты жүктеме қарастырылды, мен фитнес пен йогаға барамын. Бөлім басшылары бізге көмектеседі, сұрақтарымызға жауап береді, үйретеді. Барлығы ұнайды. Бұл зейнеткерлер үшін өте жақсы бастама. Бұл өте қызықты, біз бәріміз достасып алдық», - дейді Рымкүл Жакина.

Тіпті туған күнінде де зейнеткерлер орталыққа асығады. Бүгін Татьяна Облопова 73 жасқа толды, ол өзінің мерекесін жақын адамдар арасында атап өтеді.

«Мен туған күнімде хорға келдім, – дейді Татьяна Облопова.

Белсенді ұзақ өмір сүру орталығының мекен-жайы: Ермеков көшесі, 46/2.

Жұмыс уақыты:09:00-ден 18: 00-ге дейін.

Анықтама телефондары: (8-7212) 78-08-50, 78-07-33.