+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Қарағандыда кардиоқызмет мониторингі орталығы ашылды

2017 жылғы 11 наурыз 00:56
Бөлісіңіз:
Қарағандыда кардиоқызмет мониторингі орталығы ашылды

ҚАРАҒАНДЫ. ҚазАқпарат - Қарағандыда елімізде теңдесі жоқ кардиологиялық қызметті үйлестіру мен оның онлайн-мониторингінің ситуациялық орталығы ашылды, деп хабарлайды ҚазАқпарат.

Бүгін аталмыш жоба Қарағанды қаласының кардиохирургиялық клиникасына іске қосылды. Өңірдің штаттан тыс бас кардиологы Назира Базарова облыс әкімі қатысқан маңызды медицина нысанының ашылу рәсімінде ситуациялық орталықтың ауылдағы науқастарға көрсетілетін мамандандырылған көмекті жетілдіруге ықпал ететінін айтты.

«8 миллион теңгеге 15 электрокардиограмма телеметрикалық аппараттары алынды. Олардың барлығы Приозерск мен Қаражал қалаларына және аудандарға сондай-ақ ауылдағы амбулаторияларға бөлініп берілді. Өйткені шалғай аймақтарда кардиолог дәрігерлер жетіспейді. Препараттардың әрқайсысы онлайн режимінде алыстағы ауылдан ситуациялық орталыққа жіберіліп отырады. Онад бліктілігі жоғары мамандар науқастың диагнозын анықтап, тиімді ем қабылдау шаралары бойынша кеңес береді. Ситуациялық орталық жалпы кардиологиялық қызметті үйлестіру мен оны мониторингілеу мақсатын көздейді»,-деді деп түсіндірді жаңа қызмет орталығының жұмысын Назира Базарова.

Жоба кадрлар тапшылығын сезініп отырған шалғайдағы аймақтарға көмек көрсетуге бағытталған. Кардиограммаларды онлайн түрінде жіберу мүмкіндігінің арқасында жүрек-қантамырлар ауруымен науқастанған азаматтарға дер кезінде медициналық көмек көрсетілетін болады.

«Жұмыстың тиімділігі жүрек және қантамыр ауруларымен науқастанған пациенттерді уақытынан кеш жіберу жағдайларының алдын алудың арқасында жетілдіріле түсетін болады. Өз кезегінде ол хирургиялық шараларсыз емдеуге мүмкіндік тудырады».-деді Назира Базарова.

Біздің каналымызға жазылыңыз:

Бөлісіңіз:

Автор:

Айдар Оспаналиев

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT