+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Қарағандыда ер адамның құлдықта болғаны туралы іс қарастырылып жатыр

2021 жылғы 24 қыркүйек 15:18
Бөлісіңіз:
Қарағандыда ер адамның құлдықта болғаны туралы іс қарастырылып жатыр

ҚАРАҒАНДЫ. ҚазАқпарат – Қарағандылық полицейлер әлеуметтік желіде жарияланған бейнехабарлаға қатысты оқиғаның мән-жайын анықтауда. Кадрда ер адам оны бір жігіт еңбек құлдығында ұстағанын және ұрып-соққанын мәлімдеді, деп хабарлайды ҚазАқпарат тілшісі.

Ұқсас жаңалықтар
Нұр-Сұлтанда әйел баласымен бірге көп қабатты үйдің балконынан секірмек болған Семейде құтқарушылар жол апатына ұшырап, көлікке қысылып қалған адамды шығарды Сәтбаевта жүк көлігі жаяу жүргіншіні қағып кетті

Павлодар облысының тұрғыны бейнеөтініш жазып, онда ол Қарағандының маңында еңбек құлдығында ұсталғаны туралы хабарлайды. Ер адам оның жұмыс берушісі атқарған жұмысы үшін қарызын төлемегеніне, сондай-ақ оны бірнеше ай бойы ұрып-соғып отырғанына шағымданады.

«Тамыз айында мен Маратқа жұмысқа тұрдым. Железинск ауданына барып, онда бір нысанды өңдедік. Ол маған еңбекақымды төлемеді. Мен одан жалақымды сұрағанда, ол мені ұрып-соқты. Содан кейін Қарағандыға екінші нысанға бардық. Онда да жұмыс істедік. Содан кейін мен тағы да жалақы сұрадым. Ол мені тағы ұрды. 21 қыркүйекте мен түскі уақытта қашып кеттім. Марат менің ұялы телефонымды алып қойды. Сондай-ақ, менің құжаттарым, жеке заттарым сол жерде қалды. Бригаданың алты адамынан қазір екі адам қалды. Біреуі – Қырғызстан азаматы. Жұмыс істейміз, ақшамызды сұраймыз. Бірақ олар бізге бермейді. Тек мезгіл-мезгіл ұрып-соғады. Менің жалақымды төлеуге көмектесуді және оны ұрып-соғу фактісі бойынша жауапқа тартуды сұраймын. Көмек сұраймын», - дейді ер адам.

Қарағанды облысының Полиция департаменті бұл істің мән-жайын анықтап жатқанын мәлімдеді.

«Әлеуметтік желілерге мониторинг жүргізу барысында ер адамға атқарылған жұмыс үшін ақша төлемеу және жұмыс беруші тарапынан ұрып-соғу фактісі бойынша бейнеөтініш жолданды. Аталған факті Қарағанды қаласының полиция басқармасында тіркелді. Полиция қызметкерлері видео авторының – Павлодар облысының 41 жастағы тұрғынының кім екенін анықтады. Қазіргі уақытта оның орналасқан жері анықталып жатыр», - деп хабарлады ведомствоның баспасөз қызметі.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT