+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Қарағандыда эндоскопиялық әдіспен омыртқаға ота жасала бастады

2019 жылғы 9 қазан 23:31
Бөлісіңіз:
Қарағандыда эндоскопиялық әдіспен омыртқаға ота жасала бастады

ҚАРАҒАНДЫ. ҚазАқпарат - Профессор Х. Ж. Мақажанов атындағы Қарағанды травматология және ортопедия орталығында омыртқаға эндоскопиялық әдіспен ота жасала бастады. Жергілікті хирургтарды бұған Қытай мен Ресейден келген мамандар үйретуде, деп хабарлайды ҚазАқпарат тілшісі.

Ұқсас жаңалықтар
СҚО: Денсаулық сақтау жүйесінде сатып алу алғаш рет электронды форматта жүргізілді Алматылық кардиологтар 69 жастағы әйелдің өмірін сақтап қалды Алматыда онкологтар америкалық технологияны қолданып 5 күрделі ота жасады

Қарағандылық дәрігерлерге кеңес беру үшін Новосібір қаласының жоғары санатты нейрохирург дәрігері, медицина ғылымдарының кандидаты Сергей Мишинов пен Қытайдағы халық-азаттық армиясының Әскери-әуе әскери медициналық университеті жанындағы Tangdu ауруханасынан профессор Ванг Пенг шақырылды.

Теориялық және практикалық бөлімдерді қамтитын шеберлік сабақтары екі күнге созылды. Осы уақыт аралығында клиникада трансфораминальды эндоскопия арқылы екі ота жасалды.

Операция барысында емделушінің ішіне шағын тілік жасалып, сол арқылы омыртқа аралық дискіге өтіп, ондағы жарықты жояды. Сондай-ақ, бұл операция — экструзия және омыртқааралық диск протрузия, стеноз және арқадағы ауырсыну синдромын емдеу үшін қолайлы әдіс.

Бұрын мұндай араласулар ашық немесе эндоскопиялық түрде, арқада тілік жасау арқылы жүзеге асырылатын. Бұл ретте міндетті түрде арқадағы бұлшық ет те тілінетін. Мұндай жағдайларда емделуші айтарлықтай ұзағырақ уақыт қалпына келіп, жарадағы тігістер аса ауыр бітіп, емделетін.

«Жаңа әдісті пайдалана отырып, біз бұлшықеттер арқылы өтпейміз, адамдар бұл процедурадан соң жеңілірек қалыпқа келеді. Әдетте операция кезінде, бұл ашық әдіс немесе тесу болсын, қалпына келтіру үшін бір аптадан кем емес уақыт кетеді, пациенттің бүйірінен тескен кезде, науқас екі күннен кейін шығарылады. Бірнеше сағаттан кейін де ота жасаған адамды үйіне жіберген тәжірибе бар. Бұл ең аз инвазивті хирургия», - деді нейрохирургия орталығының меңгерушісі Ғабит Махамбаев.

Трансфораминальді эндоскопия әдісі омыртқааралық дискісі биік болып келетін емделушілерге ғана жарамды.

Мақажанов атындағы клиникада омыртқа аралық дискідегі жарықтарды жою бойынша жылына 300 ота жасалады. Келесі жылы олардың 50-ге жуығы жаңа әдіс бойынша жүзеге асырылатын болады. 2020 жылдан бастап хирургиялық отаның бұл түрі міндетті медициналық сақтандыру шеңберінде қызметтер пакетіне енгізіледі және қорға үнемі жарналар жасайтындар үшін тегін болмақ.

Мұндай операцияларды Нұр-Сұлтан, Алматы және Павлодар клиникаларында сәтті өткізіліп жатыр.

Біздің каналымызға жазылыңыз:

Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT