+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Қарағандыда дизель бағасы қанша тұрады

2021 жылғы 26 қазан 18:41
Бөлісіңіз:
Қарағандыда дизель бағасы қанша тұрады

ҚАРАҒАНДЫ. ҚазАқпарат –Қарағанды қаласының әкімдігі жанар-жағармай құю бекеттеріндегі дизель отынының орташа бағасын атады, деп хабарлайды ҚазАқпарат тілшісі.

Естеріңізге сала кетейік, 10 қазан күні Қарағандыда қалалық автобустардың 30% жуығы маршрутқа шықпай қойды. Қарағандылықтар аялдамаларда қажетті автобусты ұзақ уақыт күтуге тура келгеніне шағымданды. Бұған жанармай құю бекеттерінде дизель отынының болмауы себеп болды.

Іле-шала онлайн-режимде кеңес ұйымдастырған облыс әкімі Жеңіс Қасымбек өңірлерге жанар-жағармай тасымалданып жатқанын хабарлады. Автопарктерге қосымша дизель отыны жеткізілді.

Қазір Қарағанды қаласының басшылығы дизель отынына қатысты мәселеге күн сайын мониторинг жүргізеді. Қарағандыда жазғы дизель отыны – 265 теңге, қысқы отын 332 теңге тұрады.

Қарағандыда жанар-жағармай сататын 18 компания жұмыс істейді, жанар-жағармай құю бекеттерінің жалпы саны – 113. Операторлардың деректері бойынша, жанар-жағармай материалдарының бүгінгі күнгі қалдығы – 7056,0 тонна (АИ-92 – 3528,0 тонна, АИ-95 – 1491,4 тонна, дизель отыны – 2036,6 тонна, жазғы отын – 1259,6 тонна, қысқы отын – 777,0 тонна).

«Талондар бойынша дизель отынын тек 8 жанар-жағармай станциясы ғана босатады: «Seda», «Helios», «Nomad Oil», «Тұмармұнай», «Газпром нефть», «Liqui Moly», ҚазМұнайГаз, «PetroRetail». Қалған жанармай бекеттерінде отын еркін сатылымда», - деп хабарлады Қарағанды қаласы әкімінің баспасөз қызметінен.

Бүгінгі таңда қала автопарктерінің барлық жолаушылар көлігі желіде. Қарағанды әкімдігінің хабарлауынша, отын қоры қоғамдық көліктің үздіксіз жұмысын қамтамасыз ету үшін жеткілікті.


Біздің каналымызға жазылыңыз:

Бөлісіңіз:

Автор:

Агата Мухамеджанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT