+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қарағандыда бір күнде бірнеше ұрлық жасаған қарақшылар ұсталды

2018 жылғы 23 тамыз 08:20
Бөлісіңіз:
Қарағандыда  бір күнде бірнеше ұрлық жасаған қарақшылар ұсталды

ҚАРАҒАНДЫ. ҚазАқпарат - Қарағанды полицейлері бір күннің ішінде оншақты рет ұрлық жасаған екі қарақшыны ұстады, деп хабарлайды ҚазАқпарат тілшісі.

Қарағанды облысы ІІД-де мәлім еткендей, биылғы жылдың 28 шілде күні полицияға Қарағанды облысының тұрғыны хабарласқан. Ол арызында белгісіз біреу үйіне терезе арқылы еніп, 600 мың теңге көлемінде мүлігін ұрлағанын жеткізген.

Ұры тамыз айының басында «Тонау» жедел-іздестіру шараларын жүргізу кезінде қолға түскен. 37 жастағы облыс тұрғыны бұдан бөлек мамыр-тамыз айлары аралығында Қарағандының оңтүстік-шығыс және орталық аудандарында жалпы 1 миллион теңге көлемінде бөтен мүлікті иемденуге қатысты 8 деректі жасағанын мойындады.

Қазіргі таңда азамат абақтыда қамауда отыр. Мәселеге қатысты тергеу амалдары жүріп жатыр. Сондай-ақ, қылмыстық іс қозғалды.

Бұдан бөлек, полицейлер қарағандылық 20 жастағы азаматты ұстады. Ол бөтен автокөлікті үптеп кеткен. Сотқа дейінгі тергеу амалдары кезінде ұсталған азамат осыған ұқсас 7 деректі мойындады.

Полиция халыққа фото және видеофиксациясы бар домофондарды, бейнебақылау мен күзет дабыл сигнализациясын, терезелерге темір тор орнатуға кеңес береді. Мүлікті тонаудан аман алып қалу үшін металл есіктер мен сапалы құлыптардың да көмегі зор екенін жеткізеді.

Біздің каналымызға жазылыңыз:

Бөлісіңіз:

Автор:

Біржанқызы Сабина

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT