Қарағандыда атаулы әлеуметтік көмекті қалай алуға болады
Егер 2021 жылдың төртінші тоқсанында тұрғындар АӘК алушылар болмаса, egov.kz порталы арқылы өтініш беру қажет.
Бұдан әрі жұмыспен қамту орталықтарының қызметкерлері мемлекеттік органдардың ақпараттық базаларындағы құжаттардың АӘК тағайындау өлшемшартына сәйкестігін тексереді.
Учаскелік комиссия отбасын материалдық-тұрмыстық тексеру актісін жасайды.
Оның нәтижесі бойынша АӘК тағайындау немесе бас тарту туралы шешім қабылданады.
Әкімдіктің баспасөз қызметінің мәліметінше, атаулы әлеуметтік көмекті тағайындау 2021 жылдың төртінші тоқсанында алғандар үшін автоматты түрде ұзартылады.
АӘК қайта тағайындау үшін отбасының табысын, тұрғылықты жері бойынша тіркелуінің болуын, жылжымайтын мүліктің болуын және т.б. тексереді, егер отбасының құрамы өзгерген жағдайда, өтініш берушіге Қарағанды қаласы әкімдігінің Халықты жұмыспен қамту орталығына Бұқар жырау даңғылы, 51/4 мекенжайы бойынша хабарлау қажет. Телефондар: 99-64-02, 99-64-04.