Қарағанды өңірінде еңбек қауіпсіздігін қамтамасыз ету мәселесі сын көтермейді – ҚР Президенті

None
ҚАРАҒАНДЫ. ҚазАқпарат - Экология проблемасынан бөлек, облыстың өндірістік кәсіпорындарында еңбек қауіпсіздігін қамтамасыз ету мәселесі сын көтермейді. Бұл туралы Қарағанды облысының жұртшылығымен кездесуде Мемлекет басшысы Қасым-Жомарт Тоқаев айтты, деп хабарлайды ҚазАқпарат.

«Экология проблемасынан бөлек, облыстың өндірістік кәсіпорындарында еңбек қауіпсіздігін қамтамасыз ету мәселесі сын көтермейді. Қарағанды сияқты индустриясы дамыған облыс үшін бұл – маңызды мәселе.

Мысалы, тек 2022 жылы «АрселорМитталТеміртау» АҚ объектілерінде жұмысшылар қаза тапқан бірнеше оқиға тіркелді. Ірі компаниялар өндірісті жаңғыртуға әрдайым инвестиция құюы керек.

Уәкілетті органдар өндірістік апаттардың көбейгені үшін кәсіпорындардың жауапкершілігін күшейтетін жүйелі шаралар қабылдауы қажет», - деп келтіреді Қасым-Жомарт Тоқаевтің сөзін Ақорданың баспасөз қызметі.


Соңғы жаңалықтар