+7 (701) 759 90 19
USD 421.98 EUR 511.61
RUB 5.61 CNY 65.27
Jańalyqtar

Қарағанды облысының жолдарында 23 адам құтқарылды

2020 жылғы 15 қаңтар 14:15
Бөлісіңіз:
Қарағанды облысының жолдарында 23 адам құтқарылды

ҚАРАҒАНДЫ. ҚазАқпарат - Қарағанды облысы төтенше жағдай департаментінің бөлімшелері апаттық-құтқару жұмыстарын жүргізуде, деп хабарлайды ҚазАқпарат тілшісі.

15 қаңтарға қараған түні Осакаров ауданындағы Русская Ивановка ауылынан 4 шақырым жерде құтқарушылар қар құрсауынан 3 адамды Теміртау қаласына эвакуациялады. Сонымен қатар, «Осакаровка-Нұра» автожолының 5-ші шақырымында тұрып қалған жеңіл автокөліктен 6 адам құтқарылды, оның ішінде 2 бала Осакаровка кентіне жеткізілді.

Бұқар жырау ауданындағы Үштөбе ауылының айналма жолында 3 адам мінген жеңіл автокөлік қар құрсауынан шығарылды.

Сондай-ақ екі құтқару операциясы Абай ауданында жүргізілді. Сағат 04:25-те «Жартас-Вольный» автожолының 6-шы шақырымында ақаулы автокөліктен 5 адам құтқарылды және Абай қаласына жеткізілді. Сағат 06:50-де «Қарақоға-Жартас» автожолының 2-ші шақырымында құтқарушылар 3 жолаушысы бар автомобильді жолдың тазартылған учаскесіне дейін сүйреді.

Сағат 07:30-да Шет ауданында «Алматы-Екатеринбург» тасжолының 843 шақырымында ақаулы жеңіл автокөліктен 3 адам құтқарылды, оның ішінде бір бала болған. Құтқарылғандар Ақсу-Аюлы ауылына жеткізілді. Жолаушылар медициналық көмекті қажет етпеген.

Құтқарушылар көлік жүргізушілеріне температура төмендеп, жолдарды қар басқанда және көктайғақта мүмкіндігінше жолға шықпауды сұрайды. Сондай-ақ жүргізушілер автожолдардың жай-күйі туралы ақпаратты бақылап, автомобильдің жарамдылығын мұқият тексеруі тиіс.

«Қоғамдық көлік пен дизельдік қозғалтқышы бар автокөлік иелері мен жүргізушілерінің қауіпсіздік шараларына ерекше назар аударуын өтінеміз. Сондай-ақ, ауылдық жерде тұратын тұрғындарға метеожағдай нашарлаған жағдайда алыс қашықтыққа жаяу саяхаттан бас тарту ұсынылады», - деп хабарлады Қарағанды облысы ТЖД баспасөз қызметі.


Біздің каналымызға жазылыңыз:

Бөлісіңіз:

Автор:

Агата Мухамеджанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT