+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қарағанды облысының үш елді мекені Қазақстанның «30 үздік ауылы» қатарына енді

2021 жылғы 19 қазан 23:45
Бөлісіңіз:
Қарағанды облысының үш елді мекені Қазақстанның «30 үздік ауылы» қатарына енді

ҚАРАҒАНДЫ. ҚазАқпарат – Қарағанды облысы, Нұра ауданының Шахтёрское, Қайнар ауылдары және Жаңаарқа ауданының Ералиев атындағы ауылы «30 үздік ауыл» қатарына енді, деп хабарлайды ҚазАқпарат тілшісі.

Ұқсас жаңалықтар
Жеңіл атлетикадан халықаралық турнир: Қазақстан еншісінде – 52 медаль Түркия төрінде Қазақстан Тәуелсіздігінің 30 жылдығына арналған концерт өтті Ауылдағы азаматтық белсенділікті дамыту керек - сарапшы

Жоба Қазақстан Тәуелсіздігінің 30 жылдығына орай «Тұлға – достық» қоғамдық бірлестігінің бастамасымен жүзеге асырылды. Оның аясында альбом-анықтама шығарылды. Оған еліміздің ең көрнекті ауылдары туралы фотосуреттер мен мәліметтер кірді.


Жоба авторы және «30 үздік ауыл» альбом-анықтамасының авторы – ақын, ҚР Жазушылар одағының мүшесі және «Тұлға-достық» қоғамдық бірлестігінің жетекшісі Мұратхан Шоқан.

«Биыл Қазақстанның Тәуелсіздік алғанына 30 жыл толады. Мемлекет басшысы Қасым-Жомарт Тоқаев мерейтойлық датаға орай ойын-сауық сипатында ғана емес, өзінен кейін де терең із қалдыратын ерекше жобалар жасауды тапсырды. Осылайша менде «30 үздік ауыл» жобасын құру идеясы пайда болды. Мен 14 облыстың әкімдіктеріне жүгіндім, олар маған ең перспективалы ауылдардың тізімін берді. Жаз бойы оларды аралап шықтым, олардың дамуын өз көзіммен бағалап, фотосуреттер мен басқа да материалдарды жинадым. Бағалау үшін халықаралық өлшемдер қолданылды», – деп атап өтті Мұратхан Шоқан.


Автордың пікірінше, үздік отыздыққа Қарағанды облысының үш ауылы – Нұра ауданының Шахтёрское, Қайнар ауылдары және Жаңаарқа ауданының Ералиев атындағы ауылы кірді.

«Бұл ауылдарда тұрғындардың жайлылығы үшін барлық жағдай жасалған. Мысалы, Шахтерское ауылында жергілікті кәсіпкер және меценат Георгий Прокоп бассейн мен басқа да нысандарды салуға көмектесті. Ол өзінің туған ауылының ғана емес, жалпы ауданның, тіпті облыстың дамуына баға жетпес үлес қосады. Жаңаарқа ауданының Ералиев ауылы Гиннестің рекордтар кітабына енді – онда өндірілетін қымыз бәріне белгілі. Бұл елді мекенде ерекше, достық атмосфера сезіледі, тұрғындар ұлттық салт-дәстүрлерге құрмет көрсетеді және сонымен бірге заманға сай өмір сүреді», – деп атап өтті ақын.


«30 үздік ауыл» жобасы сонымен қатар туған өлкенің дамуына баға жетпес үлес қосқан көрнекті ауыл тұрғындары туралы баяндайды.

«Осындай адамдар туралы айта отырып, біз олардың үлгісіне басқалардың да еліктегенін қалаймыз. Өйткені тек бірлесіп қана ауылдағы өмірді жақсарта аламыз. Анықтамалық альбомның тұсаукесері 16 қазанда ҚР Ұлттық академиялық кітапханасында өтті. Альбом демеушілердің қолдауымен шығарылды. Оның таралымы – 2 мың дана. Сондай-ақ, жақын арада оның электронды нұсқасы жасалады. Бұдан басқа, болашақта мен Нұр-Сұлтанда «30 үздік ауыл» аллеясын құрғым келеді, онда әрбір адам өз бастауларына қол жеткізе алады. Өйткені біз бәріміз ауылдан шыққанбыз. QR-кодтарды сканерлей отырып, қандай да бір ауыл туралы ақпарат алуға және оның өмірімен танысуға болады», - деп қосты жоба авторы.



Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059

MURAǴAT