00:05, 27 Сәуір 2021 | GMT +6
Қарағанды облысының Бұқар жырау ауданына жаңа әкім тағайындалды
ҚАРАҒАНДЫ. ҚазАқпарат – Қарағанды облысы Бұқар жырау ауданының әкімі болып бұрын Шахтинск қаласын басқарған Сержан Аймақов тағайындалды, деп хабарлайды ҚазАқпарат тілшісі.
Сержан Аймақов 1989 жылдан бастап мемлекеттік қызметте.
Түрлі лауазымдарды атқарды.
90-жылдары Қарқаралы қаласы әкімінің орынбасары болды, Қарқаралы ауданы Салық комитетінің төрағасы қызметін атқарды.
2000-2007 жылдары Қарқаралы ауданы әкімінің орынбасары болып қызмет етті. Кейін Қарағанды облысының құрылыс басқармасы бастығының орынбасары болды.
Сондай-ақ Қарқаралы және Осакаров аудандарының әкімі болып жұмыс істеді.
2015 жылдан бастап осы уақытқа дейін Шахтинск қаласын басқарды.
Бұқар жырау ауданының әкімі Шағурашид Мамалинов зейнеткерлікке шығуына байланысты қызметінен босатылды.