Қарағанды облысындағы кәсіпорындар қызметкерлерінің жалақысы өсті
«Елбасының жалақыны көтеру туралы бастамасын облыстың 32 мың кәсіпорыны қолдады. 220 мың қызметкер орта есеппен бұрынғыдан 14%-ға артық жалақы алады. 2018 жылдың 4 тоқсанының қорытындысы бойынша облыс бойынша орташа жалақы 164 мың теңгеге дейін өсті. 1 қаңтардан бастап ең төменгі еңбекақы мөлшері бар аймақтың 80 мың тұрғынының табысы салықтың төмендеуі есебінен 9%-ға өсті», - деді облыс әкімі Ерлан Қошанов.
Оның айтуынша, жұмыспен қамтудың түрлі шараларының арқасында жұмыссыздық деңгейі 4,5% - ға дейін төмендеген. Өткен жылы 14 мың жаңа жұмыс орны ашылған. Ал биыл 40 мың адамды жұмысқа орналастыру жоспарлануда.
Ерлан Қошанов сондай-ақ тарифтердің төмендеуі және бағаны тежеу шаралары туралы айтып өтті. 1 қаңтардан бастап облыста коммуналдық қызметтер 5-11%-ға арзандады.
«Бағаны ұстап тұру бойынша жұмыс инфляцияны 5,1% деңгейінде ұстап қалуға мүмкіндік берді. Бұл республикадағы ең үздік көрсеткіштердің бірі. Тұрақтандыру қоры құрылды. Оған бірінші қажеттілік санатына жататын азық-түлік - қант, өсімдік майы, күріш, қарақұмық сатып алып, сақталып қойды. Бұдан басқа, біздің фермерлер өндіретін жеміс, көкөніс өнімдері бойынша тоқталар болсақ, бизнестің әлеуметтік жауапкершілігі аясында өзіндік құны бойынша 2 000 тоннадан астам өнім салынды», - деді облыс әкімі.
Тұрақтандыру қорының өнімдері әлеуметтік павильондар мен супермаркеттерде нарықтық бағадан 25-30% - ға төмен бағамен сатылды. Биыл көкөніс қоры 3 000 тоннаға дейін артты. Ерлан Қошанов осы бастаманы қолдағаны үшін шаруаларға алғыс білдірді.