Қарағанды облысында жол апатынан 4 адам зардап шекті

ҚАРАҒАНДЫ. ҚазАқпарат – Қарағанды облысында жүк көлігі жеңіл көлікпен соқтығысып, салдарынан 4 адам зардап шекті, деп хабарлайды ҚазАқпарат тілшісі.

26 шілдеде «Алматы – Екатеринбург» автожолында «Шансиман» автокөлігінің 34 жастағы жүргізушісі жолдың қиылысынан өтіп бара жатқан «Ниссан Альмера» автокөлігімен соқтығысқан.

Жол-көлік оқиғасы салдарынан «Ниссан Альмера» автокөлігінің жүргізушісі мен үш жолаушысы әртүрлі жарақатпен медициналық мекемеге жатқызылды.

Жол апаты дерегі бойынша тиісті сараптамалар тағайындалды. ҚР ҚК 345-бабының 1-бөлігі бойынша тергеу жүріп жатыр.