+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қарағанды облысында түйнемеге қатысты 51 мал қорымы табылды

2016 жылғы 23 қыркүйек 16:16
Бөлісіңіз:
Қарағанды облысында түйнемеге қатысты 51 мал қорымы табылды

ҚАРАҒАНДЫ. ҚазАқпарат - Қарағанды облысында түйнемеден өлген мал көмілген 51 қорым анықталды, осы орындарды тәртіпке келтіру бойынша жұмыстар жүргізіліп жатыр. Бұл туралы облыстық ветеринария басқармасының басшысы Бауыржан Асанов хабарлады.

«Облыста түйнемелік мал қорымдарын анықтау мақсатында аумақ түгел тексеруден өтті. Жұқпалы індеттен қырылған 51 мал қорымы анықталып, қоршауға алынды және ескерту тақтайшалары ілінді. Түйнемелік қорымдарды анықтау жұмыстарын жүргізу үшін аудан бюджеттерінен 18,3 миллион теңге бөлінді», - деді Б.Асанов өңірдегі эпизоотиялық жағдайға бойынша облыстық әкімдіктің отырысында.

Ақтоғай ауданының екі тұрғыны мен Балқаш тұрғынының түйнеме ауруын жұқтыруына байланысты қызметтік тексеріс жүргізілді. Тексеру қорытындысы бойынша, ҚР АШМ Ветеринарлық бақылау және қадағалау комитетінің Ақтоғай аудандық инспекциясына толық қызметтік сәйкессіздік жарияланды, деп хабарланды отырыста. Дәл осы мекеменің бас маманына қатаң сөгіс берілді.

Сонымен бірге, ветеринарлық қызметтер мен медициналық мекемелерге жоспардан тыс тексерістер жүргізілді. Ақтоғай ветеринарлық стансасының қызметін прокуратура мен облыстық ветбақылау инспекциясының қызметкерлері тексеруде.

Қарағанды облысының әкімі Нұрмұхамбет Әбдібеков аймақтағы эпизоотиялық жағдайды бақылауды күшейту туралы тапсырма берді.

Еске сала кетейік, тамыз айында Қарағанды Ақтоғай ауданы Жидебай ауылдық округіндегі Үшарал қыстағының екі тұрғыны және Балқаш қаласының ет шабушысы түйнеме ауруын жұқтырды. Инфекция көзі сойылған малдың еті болған. Ауыл тұрғындарының жалған ветеринарлық анықтама арқылы Балқашқа тауар өткізгені белгілі болды.

Біздің каналымызға жазылыңыз:

Бөлісіңіз:

Автор:

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT