Қарағанды облысында шағын қалаларды дамыту жалғасады

ҚАРАҒАНДЫ. ҚазАқпарат – Қазақстан Президенті моноқалаларды дамыту туралы айта келе, олардың әрқайсысының өзіндік даму болашағы бар екенін атап өтті. Қарағанды облысында мұндай сегіз қала бар. Олардың қандай бағытта дамитыны туралы өңір басшысы Жеңіс Қасымбек онлайн-режимде өткен аппараттық кеңесте айтты, деп хабарлайды ҚазАқпарат тілшісі.

Тұрақты әлеуметтік-экономикалық даму үшін әртараптандыру бойынша бірқатар іс-шаралар өткізу жоспарлануда. Әр кәсіпорын үшін корпоративтік ұтқырлық жоспарлары жасалады. Қызметкерлер филиалдарда жұмыс істей алады, сондай-ақ қосымша дағдыларды меңгереді. Зәкірлік жобаларды ұлғайтуға, шағын және орта бизнеске, өндірістің баламалы түрлерін дамытуға баса назар аударылатын болады.

«Моноқалаларда шағын және орта бизнестің 5% жеңілдікпен қаржыландырылуы қала құраушы кәсіпорындарға тәуелсіз кәсіпкерліктің жаңа салаларын ашуға мүмкіндік береді», – деп атап өтті облыс әкімі.

Шағын қалаларды дамытудың тағы бір маңызды факторы – көлікке қол жетімділік, оған ерекше назар аударылады. Жезқазған – Қызылорда жолын қайта жаңарту басталады – Нұр-Сұлтан – Алматы жолын жаңғырту және туризмді одан әрі дамыту аяқталғаннан кейін Балқаш қаласының әлеуеті артады.

Әлеуметтік-экономикалық дамудың кешенді жоспарлары сәтті орындалды. Бұл бағыттағы жұмыстар жалғастырылып, барлық моноқалаларды қамтитын болады.

Ауаның ластану проблемасы бірінші орынға қойылады. 2024 жылға дейін экологиялық проблемаларды кешенді шешу жөніндегі жол картасы бекітілді.