Қарағанды облысында өртенген үйдің үшінші қабатынан әйел адам секіріп кетті

ҚАРАҒАНДЫ. ҚазАқпарат – Қарағанды қаласының шетіндегі ауылда өртенген тұрғын үйдің үшінші қабатынан әйел адам секіріп кетті, деп хабарлайды ҚазАқпарат Қарағанды облыстық ТЖД-ға сілтеме жасап.

Ұқсас жаңалықтар

Жамбылда жылыту маусымы басталғалы 300-ге жуық өрт болып, 14 адам көз жұмған

Семейде жер үйден өрт шығып, 2 адам көз жұмды Екібастұзда жолаушылар вагоны жанып кетті Алматыда жыл басынан бері 150-ге жуық өрт тіркелген

«24 қаңтарда сағат 06: 57-де Абай ауданы Дубовка ауылындағы пәтерден түтін шыққандығы туралы хабарлама келіп түсті. Өрт сөндіру бөлімдері келген уақытта пәтерден жалын шығып тұрды.

Өрт сөндірушілер 3-қабаттың терезесіне үш иінді баспалдақ орнатып, улы газдан зардап шеккен адамды құтқарды. Жалын жалпы ауданы 75 шаршы метрді шарпып, үш пәтердегі тұрмыстық заттар, жиһаз, ағаш еден өртеніп кеткен», делінген хабарламада.

Өрт сөндіру бөлімшелері келгенге дейін әйел 3-қабаттан секіріп, омыртқасынан жарақат алған.

Өртті сөндіруге облыстық ТЖД-ның 16 маманы мен 4 арнайы техникасы жұмылдырылды.

Қазіргі мәлімет бойынша, өрттің шығуына ашық от көзі себеп болған.