+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Қарағанды облысында медицина қызметкеріне жалақы аудару кезіндегі қателік түзетілді

2019 жылғы 23 шілде 12:58
Бөлісіңіз:
Қарағанды облысында медицина қызметкеріне жалақы аудару кезіндегі қателік түзетілді

ҚАРАҒАНДЫ. ҚазАқпарат - Денсаулық сақтау басқармасының қызметкерлері өңірдегі медициналық мекемелерінің бірінде қызмет ететін медбикеге жалақысын аудару кезінде пайда болған техникалық қателікті шешуге көмектесті, деп хабарлайды ҚазАқпарат тілшісі Қарағанды облыстық Денсаулық сақтау басқармасының баспасөз қызметіне сілтеме жасай отырып.

Ұқсас жаңалықтар
Қарағанды облысында денсаулық сақтау саласын қаржыландыру ұлғайтылады Ақтөбеде міндетті әлеуметтік сақтандыру жүйесінің жұмысы таныстырылды ШҚО-ға 200-ден астам дәрігер жетіспейді

Жуырда zarplata@zdravkrg.kz электронды поштасына облыстағы бір емхананың қызметкерінен шағым түскен. Медбике өз жалақысының түбіртегін жіберіп, онда уәде етілген 30% қосымша ақының жоқтығына шағымданған. Тексеріс барысында жеке мәліметтерді енгізу кезінде компьютерлік ақау болғаны анықталды. Қателік түзетіліп, медицина қызметкеріне толық көлемде жалақы төленді.

«Өкінішке орай кейде осындай жағдайлар болады, сондықтан егер медицина қызметкерлерінде жалақыны аударуға қатысты мәселелер туындап жатса, олар біздің поштамызға жаза алады, өз кезегімізде біз мәселені шешуге көмектесеміз», - дейді Денсаулық сақтау басқармасы жетекшісінің орынбасары Әсел Тұяқова.

Электронды пошта іске қосылғаннан бері оған 16 хат келіп түскен. Келіп түскен хаттардың көбі Қарағанды облысындағы медициналық мекемелерге қатысты болмағандықтан жалақыны дұрыс аудармау туралы шағымдар басқа өңірлерге жолданды.

Еске сала кетейік, zarplata@zdravkrg.kz электронды поштасы шілде айының басында іске қосылды. Мұнда кез келген медицина қызметкері жазып, өзінің жалақысына қатысты түсініктемелерді ала алады.

Қарағанды облысында 18 000 аса медициналық қызметкер (дәрігерлер, медбикелер мен санитарлар) үстемелі жалақы алды, дәлірек айтар болсақ қызметтік төлем емес, нақты жалақы өсті.

Бюджеттік саланың төменгі жалақы алатын қызметкерлерінің еңбекақысын өсіруді «Nur Otan» партиясының съезінде Елбасы Нұрсұлтан Назарбаев тапсырған болатын. Кейінірек Президент Қасым-Жомарт Тоқаевтың тапсырмасымен аталмыш тапсырманы орындау мерзімі 2019-шы жылдың 1 маусымына ауыстырылған еді.

Біздің каналымызға жазылыңыз:

Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT