Қарағанды облысында көпбалалы аналар жаңа мамандықтарды игеріп жатыр
Курсқа қатысушылар тігін тігу, киіз илеу ісі мен аспаз мамандығын меңгереді. Қазіргі таңда аталған мамандықтар бойынша 40 адам білім алып жатыр.
Абай ауданында «Іскер Ана» фрилансер мектебі жұмыс істейді. Онда көпбалалы аналар қолөнер бұйымдарын жасауды үйреніп, аспаздық өнерді меңгереді. Алдағы уақытта олар өздері жасаған бұйымдарын сату арқылы отбасылық табыстарын арттыра алады.
Ал Саран қаласындағы фрилансер мектебінде тыңдаушыларды екі бағыт бойынша оқытады: тігін шеберлігі және IT-технологиялар. Көпбалалы және тұрмысы төмен отбасылардың оқу курстарынан өткен мүшелері тігін фабрикаларынан тапсырыстар ала алады. Ол үшін кәсіпорындармен әлеуметтік жұмыс орындарын құру туралы келісім жасалған.
Кәсіпкерлік негіздері «Бастау Бизнес» жобасы бойынша тегін курстарда оқытылады. Оған қатысушылар өз стартапына тегін грант алу мүмкіндігіне ие.