+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қарағанды облысында қаза тапқан полиция қызметкерлерінің құрметіне ескерткіш орнатылды

2021 жылғы 23 маусым 23:41
Бөлісіңіз:
Қарағанды облысында қаза тапқан полиция қызметкерлерінің құрметіне ескерткіш орнатылды

ҚАРАҒАНДЫ. ҚазАқпарат – Қарағанды облысы Шет ауданы Ақадыр ауылында қызметтік борышын өтеу кезінде қаза тапқан құқық қорғау органы қызметкерлерінің құрметіне тұрғызылған обелискінің салтанатты ашылуы өтті, деп хабарлайды ҚазАқпарат тілшісі.

Ұқсас жаңалықтар
CҚО-да полицейлер екі ай бойы қашып жүрген қарақшыны ұстады Алматы тұрғыны 13 жасар өгей қызын өлтірді деген күдікпен ұсталды Қарағанды облысында ауыл әкімдеріне дауыс беру 149 сайлау учаскесінде өтіп жатыр

Салтанатты шараға облыстық полиция департаменті бастығының орынбасары Қайыркен Әлиев, Шет ауданы әкімінің орынбасары Азамат Әбілдин, батыр-милиционерлердің туыстары қатысты.

«Қаза тапқан қызметкерлер – Отанға және заңға шексіз берілгендіктің үлгісі. Қылмыспен күресте олар өмірін қия отырып, қызметтік борышын соңына дейін орындады. Олардың батырлығы Қазақстан полициясының тарихына алтын әріппен жазылған. Ғабдолла Жұматаевтың, Оразбай Туғамбаевтың, Бауыржан Серіковтың ерлігі ешқашан ұмытылмайды. Олар өскелең ұрпақ үшін батылдық пен ержүректіктің жарқын үлгісі болып табылады», - деп атап өтті Қайыркен Әлиев.

«Біз қаза тапқан жерлестерімізді еске алып, құрметтейміз. Отан мен заңға қызмет ете отырып, өз өмірін құрбан еткен азаматтарды ешқашан ұмытпаймыз. Осы мүмкіндікті пайдалана отырып, ардагерлер мен құқық қорғау органы қызметкерлерін кәсіби мерекемен құттықтаймын. Оларға денсаулық, қызметтік мансабында табыс тілейміз», - деді Азамат Әбілдин.

Іс-шарада Бауыржан Серіковтың анасы Жаңылған Мешелова сөз сөйледі.

«ҚР Президенті Қасым-Жомарт Тоқаевқа, ҚР ІІМ министрі Ерлан Тұрғымбаевқа, облыс ПД бастығы Ерлан Файзулинге менің ұлымды еске алғаны үшін шын жүректен алғысымды білдіремін. Бауыржан мен оның әріптестерінің ерлігі ұмытылмайтынына сенімдімін. Ал ана үшін бұл – өте маңызды», - деді марқұм полицейдің анасы.

1995 жылы 2 наурызда Ақадыр аудандық ішкі істер бөлімінің кезекші бөлімінде болған қызметкерлер полиция бөлімінен қашуға тырысқан қылмыскерді ұстау үшін барын салды. Оқиға барысында қылмыскерлер қарулы қарсылық көрсетті. Оқ жарақатынан милиция капитаны Ғабдула Жұматаев, милиция сержанттары Оразбай Туғамбаев, Бауыржан Серіков қайтыс болды. 2020 жылдың 3 желтоқсанында ҚР Президентінің Жарлығымен олар қайтыс болғаннан кейін «Ерлігі үшін» медалімен марапатталды.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT