+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Қарағанды облысында израиль технологиясымен жем-шөп өндіру жоспарланып отыр

2021 жылғы 22 сәуір 05:00
Бөлісіңіз:
Қарағанды облысында израиль технологиясымен жем-шөп өндіру жоспарланып отыр

ҚАРАҒАНДЫ. ҚазАқпарат – Қарағанды облысында «Сарыарқа» арнайы экономикалық аймағында жаңа зауыт салу жоспарлануда. Израильдік инвесторлардың қатысуымен Virgin Soil Kz компаниясы балық, құс және мал азығын өндіру жобасын жүзеге асырады, деп хабарлайды ҚазАқпарат тілшісі.

Ұқсас жаңалықтар
МСҚ: Қарағанды облысында туберкулезден емдеуге 720 млн теңгеге жуық қаражат бағытталды Теміртауда көршілердің арасында жанжал шығып, мылтық атылды Жеңіс күні қарсаңында Қарағанды облысынан 40 жас әскерге аттанды

Технологияның ерекшеліктері туралы компания құрылтайшысы Андрей Найман облыс әкімі Жеңіс Қасымбекпен кездесуінде айтып берді.

«Біздің өндіріс гидропониялық агрономия саласындағы израильдік және халықаралық ғалымдардың көпжылдық зерттеулеріне негізделген. Өнімдер экологиялық таза болады. Жасыл жемді өсіру үшін өздігінен жасалған көп деңгейлі гидропоникалық қондырғылар қолданылады. Азық әр түрлі болады – балық, құс және мал үшін. Бұл бірегей коктейльдер, онда көптеген ингредиенттер бар: жарма, бұршақ және басқа да дақылдар. Олардың құрамында микроэлементтердің тұтас кешені бар», – деп түсіндірді бизнесмен.

Бес қабатты ғимаратта жасыл түйіршікті жем өндіретін көп деңгейлі кешендер – гидропоникасы бар тік жүйектер орналасады деп болжанады.

Андрей Найманның айтуынша, технология бірегей, Қазақстанда өндірістің баламасы жоқ. Компания Әзербайжанда осындай зауыт салуда.

Жоба бастамашыларының мәліметтері бойынша, инвестиция 27 млрд теңгені құрайды, мыңға жуық жаңа жұмыс орны құрылады. Қуаты күніне 1 000 тоннаға дейін жем өндіруге мүмкіндік береді деп жоспарлануда.

«Біз үлкен қолдау алдық. Қарағанды облысында инвесторлар үшін барлық жағдай жасалған. Барлық мәселелер жедел шешілуде. Жақын арада жерді рәсімдей аламыз. Жобалаудан кейін жер жұмыстарын бастаймыз. Құрылысқа осы жылы кірісуге дайынбыз. Ең бастысы – АЭА аумағында барлық қажетті коммуникациялар, темір жолға тікелей қолжетімділік бар», – деп атап өтті Андрей Найман.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT