Қарағанды облысында электр станциялары мен жылу желілерін жөндеуге баса назар аударылады
2021 жылы жөндеу жұмыстарына 69 миллиардтан астам теңге бөлінеді. Жоспарда 21,1 миллиард теңге сомасына 8 энергия көздерінде 26 қазандық пен 15 турбинаны жөндеу көзделген.
«72 қазандық, 693 автономды жылыту жүйесі, 115 км жылу, 3300 км электр, 310 км су құбыры және кәріз желілері, 7 мыңға жуық көп қабатты тұрғын үй, 1350 әлеуметтік нысан дайындалады», - деп бөлісті Ұлантай Үсенов.
Сондай-ақ, ол барлық станциялармен көмір жеткізуге шарттар жасалғанын және оны көмір қоймаларына жеткізу жүріп жатқанын хабарлады. Жалпы, алдағы күзгі-қысқы кезеңге 4 миллион тоннадан астам көмір жеткізіледі. Бюджеттік ұйымдар мен әлеуметтік – мәдени тұрмыстық нысандар үшін 537 мың тонна көмір, тұрғындар үшін 1 152 мың тонна көмір қарастырылған.
«Қазір станцияларда жөндеу науқаны басталды. Кейбір станцияларда негізгі және қосалқы жабдықтарда жоспарлы күрделі жөндеулер жүргізіледі», - деді энергетика және ТКШ басқармасының басшысы.