Қарағанды облысында екі бала терезеден құлап кетті

ҚАРАҒАНДЫ. ҚазАқпарат – Қарағанды облысында балалардың терезеден құлауымен байланысты екі жағдай тіркелді, деп хабарлайды ҚазАқпарат.

24 қыркүйекте Балқаш қаласында көппәтерлі үйдің бірінші қабатында орналасқан пәтердің терезесінен 2014 жылы туған бала құлап кетті. Бала қалалық ауруханаға жеткізілді.

«Екінші оқиға 25 қыркүйек күні күндіз Сәтбаев қаласында болды. 2019 жылы туған бала бірінші қабаттағы пәтердің терезесінен құлап, ауруханаға жатқызылды», - деп хабарлады облыстық Төтенше жағдайлар департаментінің баспасөз қызметінің баспасөз қызметіне сілтеме жасап.

Биылғы жыл басынан бері Қарағанды облысында балалардың терезеден құлауының 20 жағдайы тіркелді.

Құтқарушылар ата-аналардан қайғылы жағдайлардың алдын алу үшін балалардың жүріс-тұрысына мұқият болу қажеттігін ескертеді.