Қарағанды облысында бас санитарлық дәрігердің жаңа қаулысы шықты
Қарағанды өңірінде облыстың бас мемлекеттік санитарлық дәрігерінің жаңа Қаулысы шықты. Оған сәйкес, оқытудың келесі форматтары анықталды:
- ата-аналардың өтініштері бойынша мектепке дейінгі білім беру ұйымдарында штаттық форматта тәрбиелеу және оқыту;
- жалпы білім беретін мектептерде штаттық форматта оқыту:
- бастауыш 1-4 сыныптар (халықаралық мектептердегі 1-6 сыныптар);
- 600 оқушыға дейін қоса алғанда;
- мектептердің жобалық қуатының 50%-нан аспайтын жүктемесі бар 600-ден астам оқушы;
– ЖОО мен колледждерде аралас форматта оқыту - практикалық, зертханалық, семинарлық сабақтар, икемді кесте бойынша штаттық режимдегі өндірістік практика, дәрістер онлайн;
- мектептен тыс ұйымдарда штаттық форматта оқыту;
-«Ashyq» жобасына қатыспайтын балалар түзету кабинеттері, балалар және ересектерге арналған білім беру орталықтары алдын ала жазылу бойынша 15 адамнан аспайтын топты толтырған кезде жұмыс істейді.
Сондай-ақ, «Ashyq» жобасына қатыспай, сауда алаңы 6000 шаршы метрге дейінгі сауда желілерінің (азық-түлік) қызметіне рұқсат етіледі.
Бұл ретте, COVID-19-ға ПТР-тестілеудің оң нәтижесі бар базада тіркелген адамдарда, «жұқтырылған» - «қызыл» мәртебесі бар пациенттерде COVID-19-ға ПТР-тестілеудің оң нәтижесі алынған сәттен бастап 10 күн өткенге дейін сақталатынын хабарлаймыз. 10 күн өткеннен кейін бұл адамдар осы уақыт кезеңінде COVID-19-ға ПТР-тестілеудің оң нәтижесін алуға қарамастан, 3 ай бойы сақталатын «жасыл» мәртебеге ауыстырылады;
- COVID-19-ға теріс ПТР-тестілеу нәтижелері бар (COVID-19-ға ПТР-тестілеудің оң нәтижесін алған сәттен бастап 7 күннен ерте емес өткізілген) вирус жұқтырған адамдарда «қызыл» мәртебе оң нәтиже алған сәттен бастап 7 күн өткенге дейін сақталады;
- «сары» мәртебесі бар адамдар (немесе жақын байланыста болған адамдар) COVID-19-ға оң нәтижесі бар адаммен байланыста болған күннен бастап күнтізбелік 10 күн өткен соң «көкке» ауыстырылады;
- COVID-19-ға теріс ПТР-тестілеу нәтижелері бар (байланыс күнінен бастап 7 күннен ерте емес өткізілген) науқаспен байланыста болған адамдарда «сары» мәртебесі COVID-19-ға оң нәтижесі бар адаммен байланыста болған күннен бастап 7 күн өткенге дейін сақталады;
- байланыста болған адамдарда COVID-19 белгілері болмаған кезде және ревакцинация немесе COVID-19-ға қарсы вакцинацияның толық курсын алғаны туралы құжаттық растау болған кезде, сондай-ақ соңғы 3 ай ішінде COVID-19 ауырып жазылған адамдарда «жасыл» мәртебе сақталады.
Алғашқы оң тестілеуді алған сәттен бастап 10 күн өткенге дейін COVID-19-ға ПТР-тестілеудің оң нәтижесін алған жағдайда, «қызыл» мәртебе COVID-19-ға ПТР-тестілеудің алғашқы оң нәтижесін алған күннен бастап 10 күн ішінде сақталады.
Бизнес объектілері қызметінің алгоритмдеріне өзгерістер енгізілгенін хабарлаймыз, осыған байланысты мүдделі тұлғалардан қаулының толық мәтінімен Қарағанды облысының санитариялық-эпидемиологиялық бақылау департаментінің сайтында, сондай-ақ COVID-19 таратпау жөніндегі ВАК телеграмм-арнасында танысуды сұраймыз.
Сайт сілтемесі:
https://beta.egov.kz/memleket/entities/departament-kkbtu-karaganda?lang=kk
ВАК телеграм-арнасының сілтемесі:
Қаулы қол қойылған кезінен бастап күшіне енеді.