Қарағанды облысында ауыл шаруашылық жерлерінің электрондық картасы жасалады

ҚАРАҒАНДЫ. ҚазАқпарат - Қарағанды облысында егістік алқаптардың электрондық карталары толық қалыптастырылды. Барлық басқа ауыл шаруашылық алқаптары жүз пайыз цифрландырылатын болады. Бұл фермерлерге мемлекеттік қолдау көрсету үшін қажет. Сондай-ақ, геоақпараттық портал құру жұмыстары жүргізілуде, деп хабарлайды ҚазАқпарат тілшісі.

Ұқсас жаңалықтар

Мақтаралда көктемгі егіс жұмыстары басталды

Жетісайлық диқандар қырыққабат егуді бастады Ақмола облысында өткен жылы ауыл шаруашылығы бойынша 40 жоба іске асырылды

Аграрлық секторға цифрлық технологияларды енгізу барысы онлайн режиміндегі аппараттық кеңесте талқыланды. Облыс әкімі Жеңіс Қасымбек процесті жандандыру жөнінде тапсырма берді.

«Қазіргі уақытта біздің ведомство барлық 20 мемлекеттік қызметті электрондық түрде көрсетеді, оның ішінде субсидиялаудың «Қолдау« ақпараттық жүйесі арқылы 16 субсидия түрі, Е-лицензиялау ақпараттық жүйесі арқылы төрт мемлекеттік қызмет көрсетеді. Жыл басынан бері 6 966 мемлекеттік қызмет көрсетілді. Облыста ауыл шаруашылығы алқаптарын цифрландыру жүріп жатыр. Бүгінгі күні егістіктер мен көпжылдық екпелердің электрондық карталары толық қалыптастырылды. 11 млн га жайылым, 176,3 мың га шабындық жерлер цифрландырылды», - деді Ауыл шаруашылық басқармасының басшысы Сағынжан Апақашов.

«Цифрлық Қазақстан» бағдарламасы аясында нақты егіншілік элементтері енгізілуде. «Шахтерское» және «Найдоровское» алдыңғы қатарлы кәсіпорындары цифрлық фермалардың табысын көрсетті. Облыстың бес ауданында осы тәжірибені ілгерілету үшін 28 шаруашылық анықталды.

Мал шаруашылығында алғашқы смарт-фермалар пайда болды, онда көптеген өндірістік процестер автоматтандырылды. Цифрлық технологиялар құс фабрикалары мен қайта өңдеу кәсіпорындарында да енгізілді.

Кеңесте геоақпараттық портал жобасын іске асыру туралы айтылды. Жер қатынастары, сәулет және қала құрылысы салаларын толығымен цифрлық форматқа көшіру жоспарлануда. Бұл мемлекеттік қызметтерді барынша ашық етеді және сыбайлас жемқорлық тәуекелдерін төмендетеді. Порталда барлық бос жер телімдері орналастырылады.

Цифрландыру үдерістері ауылдарда әлсіз интернетті және IT-мамандардың жетіспеушілігін тежеп отырғаны атап өтілді.

«Цифрландырудың көптеген мәселелері және онымен байланысты қазіргі заманғы технологиялар фермерлер үшін әлі де жаңалық болып отыр. Техникалық жабдықтар мен кадрлармен проблемалар бар. Әсіресе, интернет байланысы бар, шалғай егістіктер мен қыстауларға сигнал жетпейді», - деді Жеңіс Қасымбек.

Орын алған проблемаларды шешу бойынша өңір басшысы ақпараттандыру, мемлекеттік қызмет көрсету және архивтер, ауыл шаруашылығы, жер қатынастары басқармаларына тапсырма берді. Жергілікті жерлерде барлық ауыл шаруашылығы алқаптарын цифрлауды аяқтау қажет.