+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Қарағанды облысында әлеуметтік әріптестік туралы жаңа келісімге қол қойылды

2021 жылғы 9 сәуір 00:18
Бөлісіңіз:
Қарағанды облысында әлеуметтік әріптестік туралы жаңа келісімге қол қойылды

ҚАРАҒАНДЫ. ҚазАқпарат – Қарағанды облысында облыс әкімдігі, кәсіподақ және жұмыс берушілер қауымдастығының басшылары арасында әлеуметтік әріптестік туралы үшжақты келісім жасалды, деп хабарлайды ҚазАқпарат тілшісі.

Ұқсас жаңалықтар

Бұл құжат 2021-2023 жылдарға арналған, әр үш жыл сайын жаңартылып отырады. Бұл жолы жұмыспен қамтуға, жұмыс орындарын сақтауға, қызметкерлерді әлеуметтік қорғауға баса назар аударылды.

Пандемия жағдайында аталмыш алғышарттар бірінші орынға шықты. Эпидемиологиялық жағдайға байланысты келісімге қол қою рәсімі онлайн-режимде өтті.

Жаңа келісімге қызметкерлерді әлеуметтік қорғау және кепілдендіру, өндірісті қысқарту, кадрларды кәсіби даярлау және қайта даярлау, еңбек қауіпсіздігі және еңбекті қорғау саласындағы қоғамдық бақылауды қамтамасыз ету және басқа қосымша тармақтар енгізілді.

«Бүгін қол қойған бұл құжат бізге еңбек жағдайын жақсартуға көмектеседі. Билік экономикалық тұрақтылықты сақтауға одан әрі ықпал етеді деп үміттенемін. Кәсіподақтардың ұжымдарда тұрақты атмосфера құруға, рационализаторлықты дамытуға, қызметкерлердің біліктілігін арттыруға көмектесуін қалаймын», - деп атап өтті тау-кен өндіру және тау-кен металлургия кәсіпорындары республикалық қауымдастығының атқарушы директоры Николай Радостовец.

Қарағанды облысы кәсіподақ орталығының төрағасы Болат Жұмабековтың айтуынша, бұған дейінгі келісім аясында жас мамандарға әлеуметтік қолдау көрсету мәселесі кеңейе түскен.

Жаңа құжатта жұмысшы кәсіптерінің имиджін арттыруға баса назар аударылды.

Жеңіс Қасымбек әлеуметтік серіктестерге конструктивтілік пен жауапкершілік үшін алғыс айтты.

«Шынында да, бір ғана жеңімпаз болуы мүмкін емес. Біз барлық тараптарды барынша қанағаттандыратын ортақ шешім табуымыз керек. Қол қойылған келісім – бұл біз қажет болған жағдайда өзгерістер енгізе алатын негізгі құжат екені түсінікті. Еңбек және әлеуметтік қатынастарға әсер етуі мүмкін көптеген аспектілер бар. Өткен жылы біз сіздермен, ең алдымен жұмыс берушілермен бірге пандемия кезінде өте тығыз жұмыс жасадық. Жұмыс орындарын сақтап қалдық, сонымен қатар бірқатар кәсіпорындар жалақысын көтерді», - деп есептейді өңір басшысы.

Әлеуметтік әріптестік туралы осындай келісімдерге облыстың барлық қалалары мен аудандарында қол қойылады.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Үмбет Шолпан
Үмбет Шолпан
954-059

MURAǴAT