Қолданушы баптаулары
Қолданушы баптаулары
+7 (701) 759 90 19 Лента
USD 383.69 EUR 429.08
RUB 5.97 CNY 55.39
Jańalyqtar

Қарағанды облысында 7-сынып оқушысы Сәкен Сейфулиннің 70 өлеңін жатқа оқыды

2019 жылғы 23 мамыр 20:55 507
Бөлісіңіз:
Қарағанды облысында 7-сынып оқушысы Сәкен Сейфулиннің 70 өлеңін жатқа оқыды

ҚАРАҒАНДЫ. ҚазАқпарат - Қарағанды қаласында С. Сейфуллин атындағы театрдың сахнасында «Сәкен оқулары» атты бірінші облыстық мәнерлеп оқу сайысы өтті, деп хабарлайды ҚазАқпарат.

Ұқсас жаңалықтар
Асхат Аймағамбетов ҰБТ нәтижелері бойынша мектептердің рейтингін жасамауды сұрады Қазақстандық ғалымның еңбегі беделді халықаралық деректер базасына енді

Оған облыс бойынша 50-ге жуық оқушы қатысты.

Биылғы жылы Қазақ әдебиетінің негізін салушы, ақын, жазушы, мемлекет қайраткері Сәкен Сейфуллиннің туғанына 125 жыл толады. Осы күнге орай облыста алғаш рет Сәкен оқулары ұйымдастырылды.

«Облыстық турға ең үздік, аудандық және қалалық кезеңдердің жеңімпаздары қатысады», - деді шараның ашылу салтанатында Қарағанды облысы Білім басқармасының басшысы Есенғазы Иманғалиев.

Байқауға 7-10 сынып оқушылары қатысты. Олар «Сыр сандықты ашып қара» және «Сәкеннің ән сандығы» номинациялары бойынша өнер көрсетті.

Бірінші номинация бойынша қатысушылар Сәкен Сейфуллиннің шығармаларын жатқа оқыды. Екінші кезеңде оның өлеңдеріне ән шырқады.

Қарағанды облысында 7-сынып оқушысы Сәкен Сейфулиннің 70 өлеңін жатқа оқыды 

Жезді кентінен келген қатысушы, оныншы сынып оқушысы Сағыныш Баркен финалға барынша дайындалған екен. Ол ақынның 44 өлеңін жатқа оқыды.

«Аудандық турға 16 адам қатысып, Мен бірінші орын алдым. Байқау үшін мен Сәкен Сейфуллиннің прозасында 44 өлең, 5 поэма және 2 шығарма дайындадым. Менің сүйікті өлеңім - «Сыр сандық». Ол оңай жатталады, достық туралы сыр шертеді», - дейді Сағыныш Баркен.

Ұйымдастырушылар атап өткендей, «Сәкен оқулары» мәнерлеп оқу байқауының басты мақсаты - ақынның шығармаларын насихаттау, оқушылардың мәнерлеп оқу дағдыларын дамыту.

Қарағанды облысында 7-сынып оқушысы Сәкен Сейфулиннің 70 өлеңін жатқа оқыды 

«Мен Сәкеннің туған жерінде оның мерейтойы аталып өтіп жатқанына қуаныштымын. Өзінің қысқа ғұмырында Сәкен өзінен кейінгі ұрпаққа үлкен із қалдырып үлгерді. Біздің балаларымыз мұны білуі керек және оны есте сақтаулары тиіс. Бұл байқау жыл сайын өткізілсе деген тілегіміз бар. Болашақта да республикалық маңызға ие болады деп үміттенеміз», - деді қазылар алқасының төрағасы, ақын, филология ғылымдарының докторы Күләш Ахметова.

Байқау қорытындысы бойынша «Сыр сандықты ашып қара» номинациясы бойынша С. Сейфуллин атындағы мектептің 7 сынып оқушысы Жасмин Әбдірахман үздік атанды (Шет ауданы). Ол ақынның 70 өлеңін жатқа біледі.  «Сәкеннің ән сандығы» номинациясы бойынша облыстық мамандандырылған музыка мектеп-интернатының 11 сынып оқушысы Аружан Сапан жеңімпаз атанды.

Жеңімпаздарға дипломдар мен бағалы сыйлықтар, ал барлық қатысушыларға сертификаттар табыс етілді.

 

 

Біздің каналымызға жазылыңыз:

Басты сөздер: Білім, Қарағанды облысы,
Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT