08:40, 09 Ақпан 2020 | GMT +6
Қарағанды облысында 54 ауылдың мекемелері интернетке қосылады
ҚАРАҒАНДЫ. ҚазАқпарат – Қарағанды облысында кеңжолақты интернетке қосылатын ауылдардың тізімі жарияланды, деп хабарлайды ҚазАқпарат облыс әкімдігіне сілтеме жасап.
Интернетпен қамтамасыз ету бойынша республикалық мемлекеттік-жекешелік серіктестік шеңберінде қосылатын Қарағанды облысының ауылдық елді мекендерінің тізімін е 54 ауыл енген.
Қарағанды облысында жобаны іске асыру аясында 56 мектеп, 53 жергілікті әкімшілік, 45 аурухана, 16 полиция бөлімшесі, 3 авариялық қызмет интернетке қосылады.
Еске сала кетсек, биыл 2020 жылы «Цифрлық Қазақстан» мемлекеттік бағдарламасы бойынша кең жолақты интернетке 880 ауыл қосылады.