Қарағанды облысында 4500 бизнес-жоба мемлекеттік қолдауға ие болады

Редактор:  
Асхат Райқұл

Қарағанды облысында 4500 бизнес-жоба мемлекеттік қолдауға ие болады

ҚАРАҒАНДЫ. ҚазАқпарат - Қарағанды облысы бизнесті жүргізу жеңілдігі бойынша өңірлер рейтингінде еліміздегі үздік бестікке кірді, деп хабарлайды ҚазАқпарат.

Онда кәсіпкерлерге қолайлы климат жасау үшін жаңа құралдар енгізілуде. Мысалы, биыл кәсіпкерлер көптен сұраған геоақпараттық портал іске қосылады. Бұл жер учаскелерін беру процесін ашық етеді және сыбайлас жемқорлық тәуекелдерін азайтады.

photo

Облыс әкімі Ермағанбет Бөлекпаев кәсіпкерлермен кездесуде өңірдегі бизнестің дамуына тағы не кедергі болатынын талқылады.

«Шағын және орта бизнес секторында облыстың барлық жұмыспен қамтылған халқының 40%-дан астамы жұмыспен қамтылды. Өткен жылы 5 мыңнан астам компания мемлекеттік қолдау шараларын пайдаланды. Біз бастамашылық еткен «Кәсіпкер» өңірлік кәсіпкерлікті дамыту бағдарламасы бизнес үшін үлкен көмек болды. Оның сұранысын ескере отырып, биыл несие портфелін үш есеге арттыруды жоспарлап отырмыз. Біздің міндетіміз - болашақта экономиканың өсу нүктесіне айналатын 4,5 мыңға жуық бизнес жобасын қаржыландыру», – деп атап өтті өңір басшысы.

photo

Ақпараттандыру, мемлекеттік қызметтер көрсету және архивтер басқармасының басшысы Рустам Байжанов геопортал құру туралы толығырақ айтып берді. Оның айтуынша, іске қосылғаннан кейін жер учаскелерін рәсімдеу оңай әрі жылдам болады. Қызметті автоматтандыру үшін бірыңғай мемлекеттік жылжымайтын мүлік кадастрымен және электрондық үкімет порталымен интеграция жасалды.

photo

Кәсіпкерлер цифрлық құралдың ыңғайлылығы бойынша өз ұсыныстарын енгізді.

photo

Кездесуде бар проблемалар да талқыланды. Кәсіпкерлер электр энергиясына тарифтердің қалыптасуын өзгертуді сұрайды. Сонымен қатар, жұмысшы кадрлардың жетіспеушілігі, гранттық қаражаттың пайдаланылуын бақылау қажеттілігі туралы айтылды. Туризмді дамыту, құрылыс жұмыстарының ЖСҚ түзету мәселелері көтерілді.

photo

«Сіздердің барлық сұрақтарыңызды бақылауға аламын. Кадрларды даярлау және туризмді дамыту бойынша жеке жиындар өткіземіз. Сараптамалық кеңес форматында үнемі кездесіп тұратын боламыз», – деді Ермағанбет Бөлекпаев.

photo


Фото: gov.kz




Серіктестер жаңалықтары