Қарағанды облысында 4 жасар қыз бір тәулік орманда адасып жүрген
Қызынан көз жазып қалған ата-аналары бірден полицейлерді шақырған. Ішкі істер органдарының 40-тан астам қызметкері 21 шілдеде сағат 12-ден 18-ге дейін баланы іздеді. Күн қараңғылана бастағанда, қызды іздеу жұмыстарына еріктілер тартылып мен полицейлер саны көбейтілді.
Олар әлеуметтік желідегі «Қарағанды іздеу» еріктілер қозғалысын шақырды. Еріктілер көлікпен келіп, орманнан, Самарка, Есенгелді, Балықтыкөл ауылдары маңынан қызды іздеді.
Бүгін, 22 шілдеде қыз Абай ауданы Балықтыкөл ауылының маңында жолдан жеті шақырым жерде табылды. Ол ағаш түбінде ұйықтап жатқан. Бала қатты тоңып қалған. Дәрігерлер оның денесіне суық тигенін анықтады.
Абай ауданы полициясы оқиға сәтті аяқталғанына қарамастан, ата-анамен осы оқиғаға қатысты әңгіме жүргізетін болды. «Міндетті түрде әңгімелесу өтеді. Олар баланы қадағалау керек екенін түсінуі тиіс. Тоңып қалғаны ештеңе емес, тірі табылғанына шүкір», - деді аудандық полицейлер.