+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Қарағанды кеншілер мәдениет сарайының жөндеу жұмыстары аяқталды

2021 жылғы 15 қыркүйек 22:17
Бөлісіңіз:
Қарағанды кеншілер мәдениет сарайының жөндеу жұмыстары аяқталды

ҚАРАҒАНДЫ. ҚазАқпарат – Қарағанды кеншілер мәдениет сарайында жөндеу жұмыстары аяқталды. Үйірмелерге арналған үй-жайлар, сахна және оның жабдықтары, көрермендер залы толығымен жаңартылды, деп хабарлайды ҚазАқпарат тілшісі.

Ұқсас жаңалықтар
Елордада ақын-жазушыларға арналған көрме-мұражай бұрышы ашылды Құрылыс компанияларына маман даярлауға тікелей атсалысу ұсынылды Сарапшы құрылыс саласында білікті мамандардың неге аз екенін айтты

Мәдениет үйінің директоры Жарулла Ақышевтің айтуынша, бүгінде сарай өз көрермендерін қабылдауға дайын.

«Сахна қайта жабдықталып, жөнделді. Мұнда біз ескі, апаттық жағдайда болған штангалық жабдықты ауыстырдық. Оны Беларуссиядан әкелді. Қазақстанда мұндай жабдық алғаш рет бізде орнатылды. Сахнада еден ауыстырылып, жаңа линолеум, сондай-ақ арнайы жабын төселді. Бүгінгі күні сахна жұмысқа дайын», – деді Жарулла Ақышев.

750 адамға арналған көрермендер залында қабырғалар мен төбелер жаңартылып, жаңа кілем төселді, креслолар химиялық тазартудан өтті.

Үйірмелерге, гардеробқа және дәретханаларға арналған бөлмелерде жөндеу жұмыстары жүргізілді. Мүмкіндігі шектеулі жандарға арналған пандустар орнатылып, санитарлық торап жабдықталған.

Сондай-ақ, сарайда су және жылу құбырлары ішінара ауыстырылды. Шатырға ағымдағы жөндеу жұмыстары жүргізілді. Ғимаратты желдетудің жаңа жүйесін монтаждау және іске қосу бойынша жұмыстар жүргізілді.

«Бізде 26 үйірме жұмыс істейді, онда 700-ге жуық адам айналысады. Олардың қатарында балалар да, ересектер де бар. Қазір қадағалау органдарының шешімін күтіп отырмыз. Барлық жөндеу жұмыстары қабылданған кезде, біз ұжымдарымыздың қатысуымен мәдениет үйінің салтанатты ашылуын өткіземіз», – дейді Жарулла Ақышев.

Бүгінгі күні Кеншілер мәдениет сарайының қасбеттік бөлігін жөндеу мәселесі қалып отыр. Ғимараттағы мүсіндердің жағдайы мәз емес – олар да жаңартуды қажет етеді.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT