Қар, жаңбыр және суық – алдағы үш күнге арналған ауа райы болжамы

НҰР-СҰЛТАН. ҚазАқпарат – Қазгидромет 15-17 қазанға арналған ауа райы болжамын жария етті, деп хабарлайды ҚазАқпарат.

«Батыс Сібір және Солтүстік Қазақстан аумағын басып қалған циклон полярлық және арктикалық ағындарға байланысып жатыр. Олар Қазақстан аумағы арқылы жылжып, еліміздің көптеген облыстарына жаңбыр, жылбысқы қар және суықты әкеледі. Алдағы үш тәулікте ауа температурасы орташа көпжылдық шамаға жақын болады», делінген хабарламада.