Қар, көктайғақ, тұман: Сәрсенбіге арналған ауа райы болжамы

АСТАНА. ҚазАқпарат - Қазгидромет синоптиктері 7 желтоқсан, сәрсенбіге арналған ауа райы болжамын ұсынды, деп хабарлайды ҚазАқпарат.

Қазақстан аумағының басым бөлігіне ауқымды антициклон әсер етеді. Соның салдарынан жауын-шашынсыз ауа райы күтіледі.

Тек еліміздің оңтүстігінде, оңтүстік-шығысында, шығысында атмосфералық фронттардың ықпалымен қар жауып, көктайғақ болады.

Елдің оңтүстігінде жел күшейеді, солтүстік-батысында, солтүстігінде, оңтүстігінде, оңтүстік-шығысында тұман түседі.