Қар, көктайғақ, боран: 5 желтоқсанға арналған ауа райы

НҰР-СҰЛТАН. ҚазАқпарат - «Қазгидромет» синоптиктері 5 желтоқсан, сенбі күні ел аймақтарында ауа райы қандай болатынын айтты, деп хабарлайды ҚазАқпарат.

Атмосфералық фронттардың әсерінен республиканың кей жерлерінде қар жауады.

Қазақстанның батысында жауын-шашынсыз ауа райы сақталады.

Кей жерлерде тұман түседі, жаяу бұрқасын көтеріліп, жел күшейеді. Оңтүстік-шығыста көктайғақ болады.

Ақмола, Жамбыл облыстарының кей жерлерінде тұман түседі, боран соғып, жел екпіні 15-20 м/с жетеді.

Түркістан облысының кей жерлерінде тұман түсіп, күндіз боран соғады. Жел жылдамдығы - 15-20 м/с.

Алматы облысында кей жерлерде тұман түседі, көктайғақ болады.

Шығыс Қазақстан, Қарағанды ​​облыстарында тұман түсіп, жаяу бұрқасын көтеріледі.

Батыс Қазақстан, Қостанай, Солтүстік Қазақстан, Павлодар облыстарының кей жерлерінде тұман түседі.

Маңғыстау облысының солтүстігінде 23 градусқа дейін қатты аяз сақталады.