Қаңтардың 12-сі күнгі ауа райы болжамы

АСТАНА.ҚазАқпарат - «Қазгидромет» РМК -ның өкілдері қаңтардың 12-не арналған ауа райы болжамын жария етті.

Кәсіпорын таратқан мәліметтерге қарағанда, Қазақстанның басым аумағында атмосфералық ағындардың өтуіне байланысты ауа райы құбылмалы болады.

Елдің басым аумағында жауын-шашын болып, тек оңтүстік-батыста ғана жауын жаумайды.

Республика бойынша кей жерлерде тұман түсіп, көктайғақ, бұрқасын болады және жел күшеюі ықтимал.

Батыс Қазақстан облысының кей жерлерінде тұман түсіп, көктайғақ, бұрқасын болуы мүмкін, желдің жылдамдығы секундына 15-20 метрге жетеді.

Атырау облысының кей жерлерінде тұман түсіп, көктайғақ, бұрқасын болады, күндіз жел 15-20 м/с жылдамдықпен ұйтқиды.

Маңғыстау облысының кей жерлерінде жел 15-20 м/с болады, түнде және таңертең кей жерлерде тұман түсуі ықимал.

Шығыс Қазақстан, күндіз Ақтөбе, Қостанай, Солтүстік Қазақстан облыстарының кей жерлерінде бұрқасынмен қатар жел күшейіп, жылдамдығы секундына 15-20 метрге жетеді.

Қостанай, Солтүстік Қазақстан облыстарының жекелеген аудандарында да тұман түсуі ықтимал.

Ақмола облысында кей жерлерде тұман түсіп, күндіз кей жерлерде желдің жылдамдығы 15-20 м/с-ке дейін күшейеді.

Жамбыл, Түркістан облыстарының кей жерлерінде тұман түсіп, көктайғақ болып, түнде және таңертең жел секундына 15-20 метр жылдамдықпен соғады.

Алматы облысының бірқатар аумақтарында тұман түсіп, көктайғақ болады, Жалаңашкөл ауданында жел 17-22 м/с жылдамдықпен соғады.

Қызылорда облысында тұман түсіп, жолдарда көктайғақ болады.

Павлодар, Қарағанды облыстарында тұман болуы ықтимал.