Қаңтар оқиғасына қатысқан 27 атыраулықтың ісіне қатысты сот 19 қыркүйекте өтеді

АТЫРАУ. ҚазАқпарат – Қаңтардағы тәртіпсіздіктерге қатысқан 27 атыраулықтың ісіне қатысты сот 19 қыркүйекте өтеді, деп хабарлайды ҚазАқпарат тілшісі.

Атырау облыстық сотының баспасөз қызметінен мәлім еткендей, басты сот талқылауын 19 қыркүйекте сағат 10:00-де өткізу белгіленген.

«Атырау облысының қылмыстық істер жөніндегі мамандандырылған ауданаралық сотында қаңтар оқиғасына байланысты 27 тұлғаға қатысты іс бойынша басты сот талқылауы басталады. Сот талқылауында ҚР Қылмытық кодексінің 272-бабының 2-бөлігі, 380-бабының 3-бөлігі, 1,4,8-тармақтары, 380-1-бабының 2-бөлігі, 6-тармағы, 291-бабының 4-бөлігі, 2-тармағы, 287-бабының 4-бөлігі, 28-бабының 5-бөлігі, 380-бабының 3-бөлігі, 4,8-тармақтары, 188-бабының 1-бөлігі, 380-бабының 3-бөлігі, 4-тармағы, 287-бабының 3-бөлігі, 191-бабының 3-бөлігі, 3-тармағы, 200-бабының 2-бөлігі 1-тармағы, 200-бабының 4-бөлігі, 384-бабының 3-бөлігі, 272-бабының 2,3-бөлігімен қозғалған қылмыстық іс қаралады. Қылмыстық істің қаралу барысы «Facebook» әлеуметтік желісіндегі Атырау соттары ресми парақшасында тікелей эфир арқылы көрсетіледі», -деп мәлім етті облыстық соттың баспасөз қызметінен.

Еске сала кетелік, бұдан бұрын Атырауда бюджеттің 194,2 млн теңге қаржысын жымқырды деген күдіктілер ақталғанын хабарлаған едік.