Қаңтар оқиғасын ұйымдастырушылар қоғамдық-саяси жағдайдың шиеленіскенін қалаған
«Қайғылы оқиғалар барысында көптеген азамат зардап шекті. Олардың бірқатары жаппай тәртіпсіздіктерді ұйымдастырушылар мен арандатушылардың ықпалына еріп, қылмыс жасауға барған. Нәтижесінде, мемлекеттік органдардың 71 ғимараты, 700-ден астам автокөлік жойылып зақымдалған. Оның ішінде жедел жәрдем, полиция және өртке қарсы қызметтердің көліктері де бар», - деді ол Орталық коммуникациялар қызметіндегі брифинг барысында
Мұхтар Қожаевтың дерегінше, 1,5 мыңнан астам бизнес нысандары зардап шекті. Оларға аса ірі мөлшерде шығын келтірілді.
«Ең өкініштісі - азаматтар мен күш құрылымдарының қызметкерлері қаза тапты. Осы салдардың барлығы террорлық шабуылдар мен жаппай тәртіпсіздіктерді ұйымдастырушыларға айып ретінде тағылуы тиіс деп ойлаймыз, Себебі олар дәл осындай зардаптың болуын алдын-ала болжап білген. Сондай-ақ елдегі қалыпты қоғамдық-саяси жағдайдың шиеленісіп, тұрақсыздануын қалаған», - деді департамент бастығының орынбасары.