Қаңтар-қыркүйекте инфляция 5,6 пайызды құрады
Ведомство ақпаратына сәйкес жылдың басынан бері (2016 жылғы қыркүйек 2015 жылғы желтоқсанға) бағаның өсуі жармаларға - 32,5, шайға - 25,8, қантқа - 22,4, нанға - 16,1, қайта өңделген және консервіленген көкөністерге - 13, кондитерлік өнімдерге - 11,9, күнбағыс майына - 11,8, салқындатылған сусындарға - 10,8, макарон өнімдеріне - 10,2, жеміс және көкөніс шырындарына - 9,3, құс етіне - 8,7, кептірілген жемістер мен жаңғақтарға - 8,3, тоқаш және ұннан дайындалатын өнімдерге - 7,9 пайызға белгіленді. Бағаның төмендеуі жаңа жиналған көкөністерге - 27,8, жұмыртқаға - 8, шикі сүтке - 7,9 пайызға тіркелді.
Баға өсімі фармацевтикалық өнімдерге - 14,4, кеңсе тауарлары мен сызу құралдарына - 12,1, жеке қолданатын тауарларға - 9,3, тұрмыстық аспаптарға - 9,2, жуғыш және тазалағыш құралдарға - 8,9, шыны және қыштан жасалған өнімдерге - 8,3, тоқыма бұйымдарына - 7,2, автомобильдерге - 7,1, киім және аяқ киімге - 6,5 пайызды құрады. Дизель отыны 27,3, баллондағы сұйытылған газ 17,5 пайызға қымбаттады.
Баға деңгейі денсаулық сақтау қызметтеріне - 8, білім беру - 6,1, демалыс, ойын-сауық және мәдениет саласында - 5, мейрамханалар мен қонақ үйлер - 4,8, шаштараздар мен жеке қызмет көрсету орындары - 2,9 пайызға өсті. Жолаушылардың алыс қашықтыққа қатынайтын темір жол көлігімен жол жүру ақысы - 12,5, әуе көлігіне - 11,8, ішкі қалалық қатынастарда автобуспен - 8,4 пайызға жоғарылады.
Тұрғын үй-коммуналды қызметтер саласында тарифтер кәрізге - 25,2, суық суға - 12,4, қоқыс шығаруға - 11, тарату желілері арқылы тасымалданатын газға - 7,4, орталықтан жылытуға - 7,3, электр энергиясына - 6,3, ыстық суға - 5,1 пайызға өсті.