«Канелоның» промоутері шәкіртінің артықшылығын айтты

АСТАНА. ҚазАқпарат - Мексикалық боксшы Сауль Альварестің (49-1-2, 34 КО) промоутері Оскар де ла Хойя өз шәкіртінің артықшылықтары туралы айтты, деп жазады Sports.kz.

Оскар де ла Хойяның айтуына қарағанда, «Канело» қазақстандық боксшы Геннадий Головкинмен (38-0-1, 34 КО) алғашқы жекпе-жегінде өзінің мүмкіндігін толық көрсетпеді деп есептейді.

«Канело» қозғалып бокстасады алады. Алайда ол төбелесе алмайды. Ол Головкинмен салыстырғанда жекпе-жектің шебері. Біз GGG көрдік, олар (Головкин командасы- авт.) шын «Канелоны» көрмеді. Оған сіздер 15 қыркүйекте куә боласыздар», - деді Де ла Хойя.

«Канело» мен GGG екінші жекпе-жегі 15 қыркүйекте Лас-Вегастағы T-Mobile Arena-да өтеді.

Еске салайық, Головкин мен Альварестің промоутерлері алғашында айқастың болмайтынын растаған еді. Алайда, кейін қайта келісім жүргізіліп, бәріне тиімді шешім қабылданды. Головкин мен «Канелоның» екінші кездесуінің өтетіні ресми түрде жария етілді.