+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Қанат Ислам қолы сынғанына қарамастан соңына дейін жұдырықтасты - Qazaq promotions

2019 жылғы 27 қазан 17:46
Бөлісіңіз:
Қанат Ислам қолы сынғанына қарамастан соңына дейін жұдырықтасты - Qazaq promotions

АЛМАТЫ. ҚазАқпарат - Күні кеше намибиялық Уолтер Каутондокваны жеңген қазақстандық боксшы Қанат Ислам соңғы 4 раундта сынық қолымен жұдырықтасқан, деп хабарлайды ҚазАқпарат.

Qazaq Promotions промоутерлік компаниясы оң қолы гипстелген спортшының суретін және рентген кескінін ұсынды.

Еске сала кетейік, кеше қазақстандық кәсіпқой боксшы Қанат Ислам намибиялық Уолтер Каутондоквамен қолғап түйістіріп, жеңіске жеткен болатын.

Айқас Алматы қаласындағы Балуан Шолақ атындағы спорт сарайында өтті. Жекпе-жек он раундқа созылды. Төрешілер шешімімен Қанат Ислам жеңіп, WBO белбеуіне қол жеткізді. Ол осылайша 27-ші рет қарсыласынан басым түсіп отыр.

Бүгін Алматы қаласының әкімі Бақытжан Сағынтаев боксшы Қанат Исламды жеңісімен құттықтады.

Айта кетейік, қазақстандық Қанат Ислам 2012 жылдың 28 қыркүйегінен бері кәсіпқой бокста сынға түсіп жүр. Бүгінгі күнге дейін 27 жекпе-жек өткізіп, оның барлығында қарсыласынан басым түсті. Оның 21-ін нокаутпен аяқтаған.

Біздің каналымызға жазылыңыз:

Басты сөздер: Алматы, Спорт, Бокс,
Бөлісіңіз:

Автор:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT