Қолданушы баптаулары
Қолданушы баптаулары
+7 (701) 759 90 19 Лента
USD 364.95 EUR 416.99
RUB 5.55 CNY 52.58
Jańalyqtar

Қанат Ислам Ақтөбедегі кәсіпқой бокс кешіне қатысады

2018 жылғы 11 қыркүйек 16:32 820
Бөлісіңіз:
Қанат Ислам Ақтөбедегі кәсіпқой бокс кешіне қатысады

АҚТӨБЕ. ҚазАқпарат - Ақтөбе қаласында Азия деңгейіндегі кәсіпқой бокс кеші өтеді. Ақтөбеліктер барлығы 11 кездесуді тамашалайды, деп хабарлайды ҚазАқпарат тілшісі.

Ұқсас жаңалықтар
Данияр Елеусінов келесі жекпе-жегі туралы видео жариялады Жаңартылған ұлттық бокс құрамасына қай боксшылар енді

Ақтөбеге әлемнің үздік боксшылары жиналады. Бокс кешіне WBA Inter-Continental және WBO NABO титулының иегері Қанат Ислам, WBA нұсқасы бойынша әлем чемпионы Жанат Жақиянов, бокстан Олимпиада чемпионы Бақтияр Артаев және Олимпиада ойындарының екі дүркін күміс жүлдегері Әділбек Ниязымбетов қатысады деп жоспарланған. Ақтөбе облыстық дене шынықтыру және спорт басқармасы бұл шараны «TUKESHOV BOXING PROMOTIONS» компаниясының қолдауымен ұйымдастырып отыр.

«Кәсіпқой бокс кешінің қатысушылары ретінде Тәжікстан, Ресей, Қырғызстан, Беларусь, Әзербайжан, Филиппин және Қазақстан спортшылары болады. Көрермендер 11 толық жекпе-жекті тамашалайды. Шаршы алаңда еліміздің намысын Ибрагим Ескендір, Уалихан Бисенқұлов, Арман Рысбек, Руслан Мырсатаев сондай-ақ, ақтөбелік Дастан Садуұлы мен Медет Айдос қорғайтын болады. Кештің басты жекпе-жегінде Бобыржан Момынов WBC нұсқасы бойынша Азия чемпионатының атағы мен NBA нұсқасы бойынша Inter - Continental чемпионы атағы үшін күреседі. Ол филиппиндік Ибгос Жанжесси Джуниормен кездеседі», - деді басқарма басшысы Мейрамбек Махамбетов.

Айта кетейік, Бобыржан Момынов әуесқой боксшылар арасында әлем, Қазақстан чемпионы, бірнеше халықаралық турнирдің жеңімпазы. Ол АҚШ-қа барып жаттығып, кәсіпқой бокста көзге түсті. Өткен жылы Сауль Альварес Геннадий Головкинмен кездеспес бұрын, Бобыржан Момыновпен жұдырықтасып, қазақстандықты командасына шақырған. Бобыржан Момынов барлығы 8 жекпе-жек өткізіп, бәрінде жеңіске жетті.

 

 

Біздің каналымызға жазылыңыз:

Басты сөздер: Ақтөбе облысы, Спорт, Бокс,
Бөлісіңіз:

Автор:

Алтынай Сағындықова

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT