Қолданушы баптаулары
Қолданушы баптаулары
+7 (701) 759 90 19 Лента
Астана: 16 °С
Алматы: 12 °С
USD 328.95 EUR 386.38
RUB 5.27 CNY 51.50
Жаңалықтар

Қанат Бозымбаев: Қазақстан ОПЕК келісіміндегі міндеттемелерді орындап келеді

2018 жылғы 22 қаңтар 15:14 1133
Бөлісіңіз:
Қанат Бозымбаев: Қазақстан ОПЕК келісіміндегі міндеттемелерді орындап келеді

АСТАНА. ҚазАқпарат - ҚР Энергетика министрі Қанат Бозымбаев Қазақстанның мұнай өндірісін азайту туралы ОПЕК келісімі аясындағы барлық міндеттемелерін орындап жатқанын мәлімдеді, деп хабарлайды ҚазАқпарат тілшісі.

«Қазақстан өз міндеттемелерін атқарып келеді. Уәде бергеніміздей, өндіріс көлемін бір деңгейде ұстап отырмыз. Болар-болмас қана көлемде өндірістің белгіленген шектен асып кетуі орын алды. Өткен жылы тәулігіне орташа есеппен 1 млн 720 мың баррель мұнай өндірдік. Шын мәнінде, тәулігіне 1 млн 680 мың баррель мұнай өндіруіміз керек еді. Тәулігіне 35-40 мың баррель - тіпті Қазақстан деңгейінде болмашы ғана көрсеткіш», - деп мәлімдеді журналистерге министр Үкіметте өткен баспасөз мәслихатында.

Министр мәселенің байыбына бармайтындар ғана «Қазақстан өз міндеттемелерін орындамай жатыр» деп хабар тарататынын атап өтті.

Сондай-ақ, Қанат Бозымбаев «ОПЕК+» келісімінің ұзартылғанын, ондағы шарттардың анағұрлым жеңілдетілгенін хабарлады.

«Қазақстан ОПЕК+ келісімі аясында өз міндеттерін жалғастыра береді», - деп толықтырды министр.

 

 


Бөлісіңіз:

Автор:

Айжан Серікжанқызы

Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат