+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Қанат Бозымбаев ЕАЭО-да ортақ энергетикалық нарық қалай құрылатынын түсіндірді

2019 жылғы 26 сәуір 14:18
Бөлісіңіз:
Қанат Бозымбаев ЕАЭО-да ортақ энергетикалық нарық қалай құрылатынын түсіндірді

НҰР-СҰЛТАН. ҚазАқпарат - ҚР Энергетика министрі Қанат Бозымбаев Еуразиялық экономикалық одақ аясында ортақ энергетикалық нарықты құру тәртібін түсіндірді, деп хабарлайды ҚазАқпарат тілшісі.

Министрдің айтуынша, ортақ энергетикалық нарықта бірыңғай реттеуші орган болмайды. Әрбір мемлекет өз жүйесін сақтай отырып, өзара тиімді ынтымақтастықты жүргізетін болады.

«Бізге 2025 жылға дейін дайын болу керек. Ең бастысы, барлық шаралар тең дәрежеде атқарылады. Мәселен, ресейлік компаниялар Қазақстанға келсе, отандық кәсіпорындарға қандай тариф берілсе, оларға да сондай тариф беріледі. Сол сияқты қазақстандық компаниялар Ресей нарығына кірсе, оларға да тура сондай жағдай жасалады. Бір сөзбен айтқанда, әрбір мемлекет өз заңнамасына сүйенеді. Ортақ нарық болса да, бірыңғай реттеуші болмайды. Еуразиялық экономикалық одаққа мүше әрбір елдің энергетикалық жүйесі қала береді. Ал ортақ нарық аясында бірлесіп жұмыс істеудің қағидаттары болады», - деді Қ.Бозымбаев бүгін Астанада өткен жиында.

null

Айта кетейік, ағымдағы жылы мамыр айында Еуразиялық экономикалық одақта ортақ энергетикалық нарықты құруға арналған xаттама рәсімделеді. Аталған шара ЕАЭО туралы келісімшарттың бес жылдығына орай ұйымдастырылады.

«Хаттама нарықты құру кезеңдерін реттейтін болады. Негізі, аталған құжаттың кейбір тармақтары бойынша әлі күнге дейін қызу талқылау жүріп жатыр. Мәселен, Қазақстан мен Ресейдің арасында бірқатар мәселелер болды. Дегенмен, біз оның бәрін реттеп алдық. Сосын экспорт пен импортпен айналысатын арнайы ұйымды құруға қатысты маңызды бір мәселе болды. Қазақстанда кез келген компания рұқсат алып, энергияны экспотқа шығара алады, импорт жасауға да болады. Ал Ресейде ондай жұмыспен арнайы ұйымдар айналысады. Осының үлгісінде әрбір мемлекетте арнайы ұйымды құру мәселесі көтерілген болатын. Бірақ біз өз позициямызды қорғай алдық. Экспорт пен импортты монополизациялаудың қажеті жоқ деп санаймыз», - дейді Қ.Бозымбаев.


null

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT