Канаданың ағылшын тілдегі әнұраны әйелдер үшін өзгертілмек

АСТАНА. ҚазАқпарат - Канада Парламентінде Либералдық партиядан сайланған депутат Мориль Беланже елдің «O, Canada» әнұранының ағылшын тіліндегі нұсқасында әйел заты ескерілмей қалғаны үшін оны өзгерту қажеттігін ұсынды.

«Бұл заң жобасы арқылы Канаданы құру, қалыптастыру жолында еңбек еткен барлық әйелдерге тиісті құрмет көрсету қажеттігін айтқым келеді», - деп жазады Беланже.

«РИА Новости» агенттігінің хабарлауынша, әнұранның ағылшын тіліндегі мәтінінде Канада ұлдарының отанға деген махаббаты айтылған. Енді бұл мәтін өзгеруі мүмкін. Айта кетейік, әнұранның француз тіліндегі нұсқасында мұндай мәселе жоқ. Онда ән мәтіні басқаша жазылған.
Фото: © Flickr/ Dennis Jarvis