Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Канададағы кәсіпқой бокс кеші: Жүкембаев пен Сабыров жеңіске жетті

2019 жылғы 17 наурыз 09:09 1183
Бөлісіңіз:
Канададағы кәсіпқой бокс кеші: Жүкембаев пен Сабыров жеңіске жетті

АСТАНА. ҚазАқпарат - Нұрзат Сабыров (8-0, 7 КО) пен Батыр Жүкембаев (14-0, 12 КО) кәсіпқой рингтегі кезекті жекпе-жектерінде жеңіске жетті, деп хабарлайды ҚазАқпарат тілшісі.

Бокс кеші Канаданың Монреаль қаласында өтті. Оның андеркартында шыққан қазақстандық боксшылардың өнерін бүгін таңертең «Хабар» телеарнасы тікелей эфирден көрсетті.

Бірінші орта салмақта айқасқан Батыр Жүкембаевтің қарсыласы мексикалық Хильберто Меса (10-5-1, 6 КО) болды. Он раундтық жекпе-жекте төрешілердің бірауызды шешімімен қазақ боксшы жеңіске жетті.

Осылайша, Батыр кәсіпқой рингтегі 15-інші жеңісіне қол жеткізді. Ал оның қарсыласы алтыншы рет жығылды.

Ал 25 жастағы Нұрзат Сабыров 32 жастағы аргентиналық Сесар Эрнан Рейносоға (15-11-4, 7 КО) қарсы шықты. Суперорта салмақтағы айқас  сегіз раундқа есептелді. Жекпе-жек Сабыровтың пайдасына аяқталды. Жетінші раундта төреші айқасты тоқтатуға мәжбүр болды. Қазақ боксшы алтыншы раундта қарсыласын нокдаунға түсірген болатын. Кейін оның басынан қан сауғалай бастады.

Бұл, Нұрзат үшін профи-рингтегі тоғызыншы жеңіс, оның сегізін ол нокаутпен аяқтады. Рейносо болса өз мансабында 12-інші рет жеңілді.

Қазақстандық қос боксшы жекпе-жектері алдында салмақ өлшеу рәсімінен өткенін жазған болатынбыз. 

 

 

 

 

 

Біздің каналымызға жазылыңыз:

Басты сөздер: Бокс, Спорт,
Бөлісіңіз:

Автор:

Мира Төлендіқызы

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT