Канадада қар көшкіні салдарынан бес адам қаза тапты

АСТАНА. ҚазАқпарат - Канаданың Британдық Колумбия провинциясындағы Макбрайд кентінің жанында қар көшкінінің жүруі бес адамның өмірін қиып әкетті, деп жазады Би-би-си.

Қар көшкіні Реншоу тауының бөктерінде орын алғаны туралы хабарланады.

Оқиға болған жерге бірнеше тікұшақ жіберілді. Іздеу-құтқару іс-қимылдарының барысында алты адамды құтқару мүмкін болды.

Жергілікті биліктің атап өтуінше, оқиға орны спортпен айналысуға, соның ішінде қар кешкіш көліктермен жүруге арналмаған.

Алдын ала шамалау бойынша, қар көшкінінің жүруіне адамдар кәнілі болған. Оқиға орын алар алдында бұл ауданда 30 см жуық қар түсіп, күн жылыған.